નિવેદન / વસતી નિયંત્રણ કાયદો ન લવાયો તો... હિંદુ નેતા પ્રવિણ તોગડિયાએ શું કહ્યું જાણો

• વિશ્વ હિંદુ પરિષદના નેતા પ્રવીણ તોગડિયાનો અભિપ્રાય
• દેશમાં વસતી નિયંત્રણનો કાયદો લાવવાની જરુર
• અન્યથા નહીં બચે રામ મંદિર 

આંતરરાષ્ટ્રીય હિન્દુ પરિષદના સંયોજક પ્રવિણ તોગડિયાએ જનસંખ્યા નિયંત્રણ કાયદો બનાવવાની માંગ કરી છે. પ્રવીણ તોગડિયાએ વસ્તી નિયંત્રણ અને વસ્તીમાં અસંતુલન પર ચિંતા વ્યક્ત કરતા કહ્યું કે, ઘણા પ્રયત્નો બાદ રામ મંદિર બની રહ્યું છે અને જો જનસંખ્યા નિયંત્રણ કાયદો નહીં લાવવામાં આવે તો 50 વર્ષ પછી રામ મંદિર સુરક્ષિત નહીં રહે.

હિંદુઓએ મોટું કામ કર્યું 
પ્રવીણ તોગડિયાએ કહ્યું કે હિન્દુઓએ ભેગા થઈને લોકોને જાગૃત કરવાનું કામ કર્યું અને રામ મંદિર નિર્માણ માટે આંદોલન શરૂ કર્યું. તેમણે કહ્યું કે હિન્દુઓએ ગામડે-ગામડે જઈને લોકોનો સહયોગ મેળવ્યો અને રામ મંદિર નિર્માણ માટે દાન એકઠું કર્યું. તેમણે પોતાના અભિયાનને દેશમાં હિન્દુઓને સમૃદ્ધ અને સુરક્ષિત બનાવવાની પહેલ ગણાવી હતી.

જ્ઞાનવાપી મંદિર હતું અને તે સાબિત થઈ ગયું છે- પ્રવિણ તોગડિયા
જ્ઞાનવાપી મામલે હિન્દુ નેતા પ્રવિણ તોગડિયાએ પણ પોતાનો મત વ્યક્ત કર્યો હતો. તેમણે કહ્યું કે જ્ઞાનવાપીમાં એક મંદિર હતું અને આ વાત સાબિત થઈ ગઈ છે. તેમણે કહ્યું કે બાબા વિશ્વનાથ જ્ઞાનવાપીમાં બેઠા છે અને ત્યાં શિવલિંગની પૂજા ન કરવી એ પાપ છે. તેમણે બાબા વિશ્વનાથની પૂજા જલ્દી શરૂ કરવાની માંગ કરી હતી.

હિન્દુઓની આસ્થા ક્યારેક ઓછી ન થઈ શકે 
હિન્દુઓની આસ્થા અને સનાતન ધર્મ વિશે કરવામાં આવેલા નિવેદનો પર પ્રવીણ તોગડિયાએ કહ્યું કે કરોડો હિંદુઓની આસ્થા તેમના દિલમાં વસે છે અને કોઈનું પણ નિવેદન ક્યારેય આ વિશ્વાસને ખતમ કે ઘટાડી શકશે નહીં. તેમણે કહ્યું કે આવી વાતો કરનારાઓને નજરઅંદાજ કરો, લોકપ્રિયતા મેળવવા માટે તેઓ આવા કામ કરી રહ્યા છે. આવા લોકોને મહત્વ ન આપવું જોઈએ.

મિસાઈલો અને તલવારો પણ શાંતિના પ્રતીક 
મીડિયા સાથે વાત કરતા પ્રવીણ તોગડિયાએ ઉત્તર પ્રદેશના મુખ્યમંત્રી યોગી આદિત્યનાથના "બુલડોઝર શાંતિ અને વિકાસનું પ્રતીક બની શકે છે" માટે પોતાનું સમર્થન વ્યક્ત કર્યું હતું. તલવારો અને મિસાઇલો પણ શાંતિનું પ્રતીક છે.