માનવતાની મિશાલ / સો-સો સલામ, ત્યજાયેલા બાળકની વ્હારે આવી હિંમતનગર પોલીસે આપ્યું નવજીવન

બાળકને વ્હારે આવી છે સાબરકાંઠા (Sabarkantha) પોલીસ અને બાળકનાં પિતા બન્યા છે બી ડીવીઝનનાં પીએસઆઈ. વાત જાણે એમ છે કે આશરે 2 સપ્ટેમ્બરનાં રોજ હિંમતનગરની એક ખાનગી હોસ્પીટલ ખાતે આ બાળકનો જન્મ થયો હતો અને આ બાળકને હિંમતનગરની સંજીવની હોસ્પીટલ ખાતે 4 સપ્ટેમ્બરનાં રોજ લાવવામાં આવ્યું હતું. આ બાળક શ્વાસ પણ લઈ શકતું ન હતું અને હાલત પણ ખૂબ ગંભીર હતી.

માતા-પિતાનાં નંબરો આવ્યાં બંધ

હોસ્પીટલનાં ડોક્ટર હિમાંશુ પટેલે બાળકનાં માતા-પિતાનો સંપર્ક કરવાનો પ્રયત્ન કર્યો પરંતુ બંનેનાં નંબર બંધ આવ્યાં. ત્યાર બાદ ન છુટકે ડોક્ટર દ્રારા હિંમતનગર (Himatnagar) બી ડીવીઝન પોલીસ (Police) સ્ટેશનનો સંપર્ક કરવામાં આવ્યો હતો. પોલીસ તાત્કાલિક હોસ્પીટલ ખાતે પહોંચીને બાળકની માહિતી લઈને જીલ્લા પોલીસ વડાએ પી.એસ.આઈ પ્રતિપાલસિંહ ગોહિલને પિતા બનવાનું જણાવ્યું અને બાળકની તમામ ખર્ચ પોલીસ ઉપાડશે તેવી સુચના પણ અપાઈ.

બાળકની દેખભાળનો તમામ ખર્ચ ઉઠાવશે પોલીસ

આમ તો સોશિયલ મીડીયામાં પોલીસ વિરુદ્ધ કથિત ટીપ્પણીઓ કરવામાં આવતી હોય છે પરંતુ તેનું સત્ય તો કંઈ અલગ જ હોય છે પરંતુ પોલીસ સાચા અર્થમાં સેવા કાર્ય કરે છે તે પણ એક સત્ય જ છે તેનું એક માત્ર ઉદાહરણ છે માત્ર આ 7 દિવસનું બાળક. હાલ તો પોલીસે બાળક (Child) જ્યાં સુધી સ્વચ્છ થઈ જાય ત્યાં સુધી બાળક માટે ખડેપગે છે અને હાલ તો વધુ સારવાર અને ટેસ્ટ માટે અમદાવાદ પણ ખસેડવામાં આવી રહ્યું છે અને ત્યાં પણ જે ખર્ચ થશે એ તમામ ખર્ચ સાબરકાંઠા પોલીસ ઉપાડશે.

આમ, તો સાબરકાંઠા પોલીસ અવનવી સરાહનીય કામગીરીનાં કારણે સ્થાનિકોમાં પણ ખુશી છે તો આજે તરછોડાયેલ બાળકનાં પિતા બનીને પણ બાળકની તમામ જવાબદારીઓ પોલીસે સ્વીકારી લીધી છે અને જેનાં કારણે સાબરકાંઠા પોલીસની કામગીરીને લોકોમાં પણ ખુશી જોવા મળી છે.