હિજાબ વિવાદ / હિજાબ પર પ્રતિબંધના વિરોધમાં પરીક્ષા નહીં આપનારા વિદ્યાર્થીઓને લઇને કર્ણાટક સરકારનો મોટો નિર્ણય

• વિદ્યાર્થીઓનાં હિતમાં કર્ણાટક સરકારનો મોટો નિર્ણય
• પરીક્ષા છોડી ચૂકેલા વિદ્યાર્થીઓને ફરીથી પરીક્ષા આપવાની તક મળશે
• શાળાઓમાં હિજાબ પહેરવાની પરવાનગી આપવાનો કર્ણાટક હાઈકોર્ટનો ઈન્કાર

જો કે, કોર્ટના નિર્ણય બાદ વિરોધ રૂપે જે વિદ્યાર્થીઓએ પરીક્ષાનો બહિષ્કાર કર્યો છે, સરકાર તેઓને તક આપવાના પક્ષમાં નથી દેખાઇ રહી. વાસ્તવમાં સરકાર એવું માને છે કે, દરેકની મરજી અને ઈચ્છાથી પરીક્ષા ન લઈ શકાય, એ માટે એક પેટર્ન હોય છે. પ્રશ્નપત્રની પણ એક પેટર્ન હોય છે. ત્યાર બાદ આ મૂલ્યાંકનમાં ઘણી મહેનત લાગતી હોય છે, ત્યારે તેને આ રીતે એકાએક ના ગોઠવી શકાય.

કેટલા વિદ્યાર્થીઓએ પરીક્ષા છોડી, તેનો ડેટા સરકાર પાસે નથી

હિજાબ પરના વચગાળાના આદેશ પહેલા અને પછી કેટલા વિદ્યાર્થીઓએ શાળાઓ અને કોલેજોમાં પરીક્ષાઓનો બહિષ્કાર કર્યો તે અંગે સરકારને હજુ સુધી ડેટા નથી મળી રહ્યો. ગુરુવારે કર્ણાટક વિધાનસભામાં આ મુદ્દે ચર્ચા પણ થઈ હતી. વિપક્ષ કોંગ્રેસના ધારાસભ્ય કૃષ્ણા બાયરે ગૌડાએ સરકારને વિદ્યાર્થીઓને પરીક્ષામાં બેસવાની બીજી તક આપવાની અપીલ કરી હતી. જે મુદ્દે સરકારે જવાબ આપ્યો હતો કે તે સંભવિત નથી કે તેઓ તેની પર વિચાર કરે. કારણ કે પરીક્ષાઓ ક્યારેય અચાનક આયોજિત ના કરી શકાય.

કર્ણાટક હાઈકોર્ટે હિજાબ પરના પ્રતિબંધને માન્ય રાખ્યો છે

ઉલ્લેખનીય છે કે, કર્ણાટક હાઈકોર્ટે શાળા અને કોલેજોમાં હિજાબ પહેરવાની પરવાનગી માંગતી તમામ અરજીઓ ફગાવી દીધી હતી. કોર્ટે પોતાના નિર્ણયમાં કહ્યું હતું કે, 'હિજાબ પહેરવું એ ઇસ્લામની ફરજિયાત પ્રથાનો ભાગ નથી.' ત્યારે હાઈકોર્ટના આ નિર્ણયને હવે સુપ્રીમ કોર્ટમાં પડકારવામાં આવ્યો છે. આ અંગેની સુનાવણી પણ હોળીની રજા બાદ શરૂ થશે.

તમને જણાવી દઇએ કે, શાળા કોલેજોમાં હિજાબ પહેરવાની મંજૂરી આપવાની ના પાડતા કર્ણાટક હાઈકોર્ટે વિદ્યાર્થિનીઓની અરજી ફગાવી દીધી હતી. જો કે, હાઈકોર્ટના આ આદેશને પડકારતી અરજી સુપ્રીમ કોર્ટ પહોંચી છે, અને હવે હોળી બાદ તેમા સુનાવણી થશે. કર્ણાટક હાઈકોર્ટે મંગળવારે પોતાનો ચુકાદો સંભળાવતા હિજાબ પહેરીને આવવાની મંજૂરી આપવાની ના પાડી દીધી હતી. કોર્ટે પોતાના ચુકાદામાં કહ્યું કે, હિજાબ ઈસ્લામમાં ધાર્મિક પ્રથાનો ભાગ નથી. કર્ણાટક હાઈકોર્ટના આ ચુકાદાને સુપ્રીમ કોર્ટમાં પડકાર આપવામાં આવ્યો છે.

હાઈકોર્ટે આપ્યો હતો આ ચુકાદો

મીડિયા રિપોર્ટ્સમાં જણાવ્યા અનુસાર સુપ્રીમ કોર્ટે સ્કૂલના ક્લાસમાં હિજાબ પહેરીને આવવાની મંજૂરી આપવાની ના પાડી હતી, જેના વિરુદ્ધમાં સુપ્રીમ કોર્ટમાં પહોંચેલી અરજી પર હોળી બાદ સુનાવણી કરવા માટે વડી અદાલત રાજી થઈ ગઈ છે. કર્ણાટક હાઈકોર્ટે મંગળવારે પોતાના ચુકાદામાં કહ્યું હતું કે, હિજાબ ઈસ્લામ ઘર્મનો જરૂરી ભાગ નથી.