હવામાન વિભાગ દ્વારા વરસાદને લઈને આગાહી કરવામાં આવી છે. આગામી 5 દિવસ ગુજરાતમાં ભારે વરસાદ રહેશે જેમા ખાસ 24,25 અને 26 તારીખે મોટા ભાગના જિલ્લામાં વરસાદ પડી શકે છે.
આગામી 5 દિવસ રાજ્યમાં પડશે ભારે વરસાદ
વરસાદને લઈને હવામાન વિભાગની આગાહી
24, 25, અને 26 તારીખે રાજ્યમાં મેઘો મહેરબાન
રાજ્યમાં મોટા ભાગના જિલ્લાઓમાં હાલ વરસાદી માહોલ જોવા મળી રહ્યા છે. ત્યારે વરસાદને લઈને હવામાન વિભાગ દ્વારા પણ મોટી આગાહી કરવામાં આવી છે. આગામી 5 દિવસ સુધી રાજ્યમાં હવામાન વિભાગે વરસાદની આગાહી કરી છે. જેના કારણે હાલ જગતના તાતમાં ખુશીનો માહોલ જોવા મળી રહ્યો છે.
24 તારીખ
હવામાન વિભાગે આગાહી કરી છે કે 24, 25 અને 26 તારીખે ગુજરાતમાં ભારેથી અતિભારે વરસાદ પડી શકે છે. જેમા 24 તારીખે સુરત નવસારી અને વલસાડમાં ભારે વરસાદ પડી શકે છે. અગાઉ સુરતમાં એકજ રાતમાં 8 ઈચ વરસાદ પડી ચુક્યો છે. સાથેજ વલસાડમાં પણ ભારે વરસાદને કારણે મધુબન ડેમમાં 1 લાખ ક્યુંસેક પાણીની આવક થઈ હતી. આગાહી મુજબ દમણ, દાદરાનગર , બનાસકાંઠા અને પાટણમાં પણ ભારે વરસાદ પડી શકે છે.
આણંદ અને દાહોદમાં પણ ભારે વરસાદ
આ સીવાય 24 તારીખના રોજ અરવલ્લી, આણંદ, દાહોદ જેવા જિલ્લાઓમાં ભારે વરસાદ પડી શકે છે. જામનગર, મોરબી, દ્વારકા અને કચ્છમાં પણ ભારે વરસાદની આગાહી હવામાન વિભાગ દ્વારા કરવામાં આવી છે.
25 તારીખ
25 તારીખના રોજ હવામાન વિભાગે આગાહી કરી છે કે મધ્ય તેમજ દક્ષિણ ગુજરાતમાં ભારે વરસાદ પડી શકે છે. જેમા સૌરાષ્ટ્ર, જૂનાગઢ, દ્વારકા અને અમરેલીમાં ભારે વરસાદ પડશે. હવામાન વિભાગે કરેલી આગાહીને લઈને અહીયાના ખેડૂતોમાં પણ આનંદનો માહોલ જોવા મળી રહ્યો છે.
26 તારીખ
આગામી 26 તારીખના રોજ પણ હવામાન વિભાગે રાજ્યના અમુક જિલ્લાઓમાં ભારે વરસાદની આગાહી કરી છે. જેમા નવસારી, વલસાડ અને પાટણમાં ભારે વરસાદ પડી શકે છે. ઉલ્લેખનીય છે કે નવસારીમાં 24 અને 26 એમ બે દિવસ માટે હવામાન વિભાગ દ્વારા વરસાદની આગાહી કરવામાં આવી છે.