Health tips / વિટામિનોથી ભરપૂર આ લીલું શાકભાજી અને પત્તા બૉડી માટે છે અમૃત સમાન, તમામ બીમારીઓથી રાખશે દૂર

• જાણકારીના અભાવથી અનેક લોકો ગુણકારી શાકભાજીનું સેવન કરતા નથી
• આ બે શાકભાજી ડાયટમાં શામેલ જરૂર કરવા જોઈએ
• જાણો આ બે શાકભાજીના ફાયદા

અનેક લોકો એવું માને છે કે, શાકાહારી ભોજનની સરખામણીએ માંસાહારી ભોજન (નોનવેજ) આરોગ્ય માટે ખૂબ જ ફાયદાકારક છે, જે સંપૂર્ણપણે સત્ય નથી. જાણકારીના અભાવને કારણે અનેક લોકો ગુણકારી શાકભાજીનું સેવન કરતા નથી. તમે પણ હેલ્ધી ડાયટનું સેવન કરવા માંગો છો, તો સરગવો અને મીઠા લીમડા જેવા શાકભાજી ડાયટમાં શામેલ જરૂરથી કરવા જોઈએ. 

સરગવો- સરગવાને અંગ્રેજીમાં ડ્રમસ્ટિક તરીકે ઓળખવામાં આવે છે. સરગવામાં ભરપૂર માત્રામાં વિટામિન એ, સી બી1, બી2, બી3, બી-6, ફોલેટ, કેલ્શિયમ, પોટેશિયમ, આયર્ન સહિત અનેક પ્રકારના પોષકતત્ત્વો રહેલા છે. સરગવામાં રહેલ વિટામિન સીની મદદથી રોગપ્રતિકારક શક્તિમાં વધારો થાય છે. સરગવામાં રહેલ એન્ટીઓક્સિડેન્ટ્સને કારણે સોજો ઓછો થાય છે અને વાળ તથા ત્વચા માટે ગુણકારી છે. 

મીઠો લીમડો- મીઠા લીમડામાં ભરપૂર માત્રામાં ફોલેટ, વિટામિન એ અને બી રહેલા છે. 100 ગ્રામ મીઠા લીમડામાં ભરપૂર માત્રામાં સોલ્યુબલ તથા ઈનસોલ્યુબલ ફાઈબર રહેલા હોય છે, જે ખરાબ કોલસ્ટ્રોલ ઓછો કરે છે અને પેટ સાફ કરવામાં પણ મદદ કરે છે. મીઠા લીમડાની મદદથી ગેસ, એસિડિટી અને પેટ ફૂલવા જેવી સમસ્યા દૂર થાય છે અને પાચનમાં સુધારો થાય છે. મીઠા લીમડાનું સેવન કરવાથી શરીરમાંથી વિષાક્ત પદાર્થો બહાર નીકળી જાય છે અને વધારાની ચરબી ઓગળી જાય છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)