સ્વાસ્થ્ય ઍલર્ટ / રાત્રે નસકોરાં બોલાવતા લોકો ચેતજો! હૃદયની બીમારીથી લઈને સ્ટ્રોકનો પણ હોઇ શકે સંકેત, માત્ર એક આદુંથી દૂર થઈ શકે છે સમસ્યા

• તમને પણ રાત્રે બોલે છે નસકોરાં? 
• તો આજથી જ ચેતી જજો 
• 60% સુધી વધી જાય છે હાર્ટ એટેકનો ખતરો

એક સ્ટડીમાં સામે આવ્યું છે કે 20 વર્ષથી નાની ઉંમરમાં નસકોરાં લેતા યુવાઓમાં ભવિષ્યમાં હાર્ટ એટેકનો ખતરો અને સ્ટ્રોકનો ખતરો 60% જેટલો વધી જાય છે. એટલે કે યુવાઓમાં હાર્ટ સાથે જોડાયેલી સમસ્યાઓ પાંચ ગણી વધારે હોય છે. 

કેલિફોર્નિયામાં 20થી 50 વર્ષના 7,66,000 લોકો પર એક અભ્યાસ કરવામાં આવ્યો. આ અભ્યાસમાં જાણવા મળ્યું કે નસકોરાં લેતા લોકોમાં વધારે જોરથી નસકોરાં લેવા અને સુતી વખતે હાંફવાની સમસ્યા વધારી હતી. સંશોધકોએ 10 વર્ષ સુધી લોકોની તપાસ કરી અને જોયું કે નસકોરાં લેતા લોકોમાં નસકોરાં ન લેતા લોકોની તુલનામાં હાર્ટ એટેકનો ખતરો 60% સુધી વધી ગયો. 

નસકોરાંના કારણ કયા કયા છે? 
વધારે વજન
વધારે વજન તમારા ગળાના આસપાસના ટિશૂને સંકોચિત કરી શકે છે. 

નાકમાં સમસ્યા
નાકમાં કોઈ સમસ્યા, જેવી કે સાઈનસ, ઈન્ફેક્શન, કે એલર્જીના કારણે નસકોરાં બોલે છે. 

ગળામાં ટોન્સિલ કે એડેનોઈડનું વધવુ
બાળકોમાં ટોન્સિલ અને એડેનોઈડનું વધવું નસકોરાંનું એક સામાન્ય કારણ છે. 

ગળાના મસલ્સનું કમજોર હોવુ 
ગળાના મસલ્સનું કમજોર હોવુ નસકોરાંનું કારણ બની શકે છે. 

દારૂ અને ઉંઘની દવાઓ
દારી અને ઉંઘની દવાઓ તમારા મસલ્સને આરામ આપી શકે છે જેનાથી શ્વાસ નળીમાં અવરોધ ઉભો થાય છે. 

સિગરેટ પીવી 
ધૂમ્રપાન તમારા ગળાના ટિશૂનને કોરા અને અસ્થિર બનાવી શકે છે. જેનાથી નસકોરાં બોલે છે. 

આદૂથી દૂર થાય છે નસકોરાં
આદૂમાં સોજાને દૂર કરવાના અને એન્ટીઓક્સીડેન્ટ ગુણ હોય છે જે નસકોરાંને ઓછા કરવામાં મદદ કરે છે. તેની સાથે સાથે આખા અનાજ, લીન પ્રોટીન, યોગર્ટ અને અળસીના બીજનું સેવન કરવાથી પણ નસકોરાંને ઓછા કરી શકાય છે. 

જોકે એ વાતનું ધ્યાન રાખો કે આ ફૂડ દરેક માટે કામ નહીં આવી શકે. જો તમે નસકોરાં વિશે ખૂબ વધારે ચિંતિત છો તો તમારે ડૉક્ટર સાથે વાત કરવી જરૂરી છે.