સ્વાસ્થ્ય / ઘૂંટણના દર્દથી પરેશાન થઇ ગયા છો? તો ચિંતા નહીં, અપનાવો આ દેશી ઉપાય, મળશે રાહત

• ઘૂંટણના દુખાવાથી છો પરેશાન? 
• અપનાવો આ દેશી ઉપાય
• દુખાવાથી મળશે રાહત 

ઉંમર વઘવાની સાથે જ ઘૂંટણમાં દુખાવાની સમસ્યા વધી જાય છે. દુનિયાભરમાં મોટી સંખ્યામાં લોકો આ દુખાવાથી પરેશાન છે. જોકે આજકાલ ઓછી ઉંમરમાં પણ ઘૂંટણનો દુખાવો થાય છે. આ દુખાવો એક નહીં પરંતુ અનેક કારણોથી થઈ શકે છે. 

ઉંમરની અસર, ભોજનમાં પોષકતત્વોની કમી અથવા તો પડવાના કારણે આ દુખાવો થઈ શકે છે. ઘણી વખત દુખાવો સામાન્ય હોય છે પરંતુ જ્યારે લાંબા સમય સુધી દુખાવોનું નિવારણ ન કરવામાં આવે તો સમસ્યા વધવા લાગે છે. માટે જ્યારે પણ ઘુટણનો દુખાવો થાય ત્યારે ઘરેલુ ઉપાય કરીને તેનાથી છુટકારો મેળવી શકાય છે.

હળદર 
સ્વાસ્થ્ય માટે રામબાણ માનવામાં આવતી હળદરમાં ઘણા પ્રકારના ઔષધીય ગુણ મળી આવે છે. એન્ટી-ઈન્ફ્લેમેટરી અને એન્ટી બેક્ટીરિયલ ગુણના કારણે ઘુટણના દુખાવાથી હળદર તરત છુટકારો આપી શકે છે. એક ચમચી હળદર જરૂરીયાત પ્રમાણે પાણીમાં નાખીને પેસ્ટ બનાવીને ઘૂંટણ પર લગાવી લો. દિવસમાં 2 વખત આમ કરવાથી ઘૂંટણના દુખાવાથી છુટકારો મળી શકે છે. 

આદૂ
ઘૂંટણના દુખાવાને દૂર કરવામાં આદૂ પણ ફાયદાકારક છે. આદુમાં હાજર એન્ટી-ઈન્ફ્લેમેટરી ગુણ દુખાવાથી રાહત આપી શકે છે. સાંધાના દુખાવામાં પણ આદુ ગજબની અસર કરે છે. ગરમ પણીમાં આદુ નાખીને પાણીને ગાળીને સ્વાદ માટે મધ અને લીંબૂનો રસ મિક્ષ કરીને પીવો. આ પાણીને દરરોજ પીવાથી ઘૂંટણનો દુખાવો દૂર થઈ શકે છે. 

એલોવેરા 
ઔષધીય ગુણોનો ખજાનો એલોવેરા ઘૂંટણના દુખાવાને ખેંચીને બહાર કાઢે છે. એલોવેરા જેલ લગાવવાથી દુખાવામાં રાહત મળે છે. ઘૂંટણમાં સોજો પણ તેનાથી ઓછુ થઈ જાય છે. તમે ઈચ્છો તો એલોવેરા જેલમાં થોડી હળદર નાખી દુખાવાથી રાહત મેળવી શકો છો. દુખાવા અને સોજાતી આરામ મળી શકે છે. 

કપૂરનું તેલ 
ઘૂંટણના દુખાવાથી જો તમે પરેશાન છો તો કપૂરના તેલનો ઉપયોગ કરી શકો છો. આ દુખાવાથી રાહત પહોંચાડવાનું કામ કરે છે. એક ચમચી કપૂરના તેલમાં નારિયેળનું તેલ મિક્સ કરી ગમ કરી લો અને જ્યારે ઠંડુ થઈ જાય તો દિવસમાં બે વખત ઘૂંટણ પર માલિશ કરો. થોડા જ સમયમાં તેની અસર જોવા મળશે. 

એપ્સમ સોલ્ટ 
ઘૂંટણના દુખાવાથી છુટકારો અપાવવામાં એપ્સમ સોલ્ટ પણ સારી રીતે કામ કરે છે. એપ્સમ સોલ્ટમાં મેગ્નોશિયમ અને સલ્ફેટ પણ મળી આવે છે. જે દુખાવાને ઓછુ કરવાની સાથે સોજાથી પણ રાહત આપવાનું કામ કરે છે. નહાવાના પાણીમાં અપ્સમ સોલ્ટને મિક્સ કરીને ઉપયોગ કરો. તેનાથી બ્લડ ફ્લો સુધરશે અને ખૂબ રાહત મળી શકે છે.