લાઇફસ્ટાઇલ / સવાર-સવારમાં ચાનો આનંદ ઉઠાવો, પરંતુ સાથે ક્યારેય ન આરોગતા આ વસ્તુઓ, નહીં તો થશે નુકસાન

• દરેક ઘરમાં સવારે ચા સાથે નાસ્તો હોય છે
• પરંતુ ઘણા લોકો અજાણતા કરે છે આ ભૂલો 
• ચાની સાથે ક્યારેય ન ખાવી જોઈએ આ વસ્તુઓ 

સવારે અને સાંજે ગરમા ગરમ ચા સાથે નાસ્તો મળી જાય એટલે મજા પડી જાય. પરંતુ ઘણા લોકો એ વાતથી અજાણ હોય છે કે અમુક વસ્તુઓ ચાની સાથે ખાવાથી આપણા શરીરને નુકસાન પહોંચી શકે છે. ચાનો આનંદ ઉઠાવવા માટે આપણે અમુક વાતોનું ધ્યાન રાખવું જરૂરી છે. નહીં તો સ્વાસ્થ્યને નુકસાન થઈ શકે છે. 

લીંબુનો રસ 
ચા અને લીંબુને એક સાથે લેવાથી બચવું જોઈએ. લીંબુમાં વિટામિન-સી અને ચામાં હાજર કેફીન એક બીજાની અસર ઓછી કરી દે છે. આટલું જ નહીં, ચામાં હાજર તત્વ અને લીંબુનું એસિડ પણ એક બીજાને નુકસાન પહોંચાડે છે. લીંબુની સાથે ચા પીવાથી પેટ સંબંધી સમસ્યાઓ પણ થઈ શકે છે. લીંબુના એસિડ અને ચાના તત્વો મળીને પેટમાં બળતરા પેદા કરી શકે છે. માટે ચાની સાથે લીંબુના રસનું સેવન ન કરવું જોઈએ. 

હળદર વાળી વસ્તુઓ
ચામાં કેફીન હોય છે જે ઉર્જા આપે છે પરંતુ હળદર ગરમ હોય છે. જો ચાની સાથે હળદર વાળી વસ્તુઓ ખાશો તો શરીરમાં વધારે ગરમી આવશે. તેનાથી આપણને પરસેવો આવવો, ચક્કર આવવા જેવી મુશ્કેલીઓ થઈ શકે છે. સાથે જ પેટમાં બળતરા, ગેસ બનવો જેવી મુશ્કેલીઓ પણ થઈ શકે છે. માટે ચાની સાથે ક્યારેય પણ હળદર વાળુ ભોજન ન કરવું જોઈએ. 

ફ્રાઈડ સ્નેક્સ 
વરસાદની સીઝનમાં મોટાભાગે લોકો ચા અને ભજીયા ખાવાનું પસંદ કરે છે. પરંતુ ભજીયા ડીપ ફ્રાય હોય છે ભજીયા સ્વાસ્થ્ય માટે હાનિકારક સાબિત થઈ શકે છે. ભજીયામાં હાજર બેસન, પોષક તત્વોને શરીરમાં અવશોષિત થવાથી રોકે છે. તેનાથી પેટમાં દુખાવો, કબજિયાત જેવી સમસ્યાઓ થઈ શકે છે. માટે ચાની સાથે ભજીયા ન ખાવા જોઈએ. 

ડ્રાય ફ્રૂટ્સ 
સૂકામેવા જેવા કે અખરોટ, બદામ, કાજુ ખૂબ જ પૌષ્ટિક હોય છે પરંતુ ચાની સાથે તેને ખાવા યોગ્ય નથી. સૂકામેવામાં આયર્નનું પ્રમાણ વધારે હોય છે જે ચામાં મળી આવતા તત્વોની સાથે મિક્સ નથી થતા. તેનાથી બન્નેને ફાયદો ઓછો થાય છે.