વાસ્તુ શાસ્ત્ર / શું તમે પણ ઘરમાં લગાવ્યો છે મની પ્લાન્ટ? તો થઈ શકે છે ભારે નુકસાન, એ કઇ રીતે?

મની પ્લાન્ટ અનેક ઘરોમાં જોવા મળે છે. મની પ્લાન્ટને જમીન અને પાણી બંન્નેમાં ઉગાડી શકાય છે. આને ઘરમાં રાખવુ શુભ મનાય છે. માન્યતા મુજબ મની પ્લાન્ટને ઘરમાં રાખવાથી ધન ક્યારેય ખૂટતુ નથી. પરંતુ મની પ્લાન્ટને ઘરમાં રાખવાના કેટલાક ગેરફાયદા પણ છે. આજે આપણે મની પ્લાન્ટથી થતા નુકસાન વિશે જાણીશું.

ફંગલ ઈન્ફેક્શન

આ પ્લાન્ટમાં જ્યારે ફંગસ લાગી જાય છે ત્યારે એફિલ્સ માઈલબગ્સ અને સ્પાઈડર માઈટ્સ જેવા જીવોથી સંક્રમિત થઈ જાય છે. જે આપણા સ્વાસ્થ્ય માટે જોખમી છે. 

પાલતુ જાનવર

મની પ્લાન્ટમાં કેલ્શિયમ ઓક્સાલેટ ક્રિસ્ટલ હોય છે જે આપણા ઘરના પાલતુ પ્રાણીઓના સ્વાસ્થ્ય માટે હાનીકારક હોય છે. તેનાથી બાળકને પણ નુકસાન થાય છે.

યોગ્ય દિશાની પસંદગી

જો મની પ્લાન્ટને ઘરમાં યોગ્ય દિશામાં રાખવામાં ન આવે તો તેનાથી આર્થિક નુકસાન પહોંચી શકે છે. વાસ્તુ મુજબ મની પ્લાન્ટને ક્યારેય ઈશાન દિશામાં ન રાખવું કેમ કે ઈશાન દિશાનુ પ્રતિનિધિત્વ ગુરૂ કરે છે. અને આ પ્લાન્ટ શુક્રનું પ્રતિનિધિત્વ કરે છે. શુક્ર અને ગુરુમાં શત્રુવત સંબંધ હોવાથી આ પ્લાન્ટને ઈશાનમાં રાખવાથી નુકસાનકારક સાબીત થાય છે.

કેટલાક છોડને રાખો દૂર

મની પ્લાન્ટને શુક્રનો છોડ માનવામાં આવ્યો છે જેથી તેની પાસે શુક્રના શત્રુ ગ્રહોના છોડ ન લગાવવા જોઈએ. જેમાં મંગળ,ચંદ્ર, સૂર્યના છોડ સામેલ છે.

ગિફ્ટ ન કરો

મની પ્લાન્ટને ક્યારેય ગિફ્ટ ન કરવો જોઈયે. મની પ્લાન્ટ લક સાથે જોડાયેલી વસ્તુ માનવામાં આવે છે. જેથી તેને કોઈને ગિફ્ટ કરવાથી આપણા લકની સાથે પૈસા પણ જતા રહે છે તેવી માન્યતા છે.

ગુંથાયેલો પ્લાન્ટ

જો સમયસર આ પ્લાન્ટની યોગ્ય દેખરેખ ન રાખીએ તો આ પ્લાન્ટ રેંડમલી વધવા લાગે છે. અને તે નીચેની તરફ નમી જાય છે. જેને વાસ્તુની દ્રષ્ટીએ અશુભ માનવામાં આવ્યુ છે.

વાંચવા જેવું: શું તમે તળ્યા પછી વધેલા તેલનો કરો છો વારંવાર ઉપયોગ? તો ચેતી જજો, જાણો સાઇડ ઇફેક્ટ્સ

શરીરની નસો પર અસર

માન્યતા મુજબ જો મની પ્લાન્ટ ઉપરની દિશામાં વિકસીત ન થાય તો તે આપણી નસો પર નકારાત્મક અસર કરે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો