ગુજરાત / 'ડ્રગ્સ માફિયાઓના ઇરાદા પર પાણી ફેરવ્યું' ડ્રગ્સ ઝડપાવા મામલે પોલીસ, ATS અને કોસ્ટગાર્ડની પીઠ થાબડતા હર્ષ સંઘવી

• પાકિસ્તાનથી આવતું ડ્રગ્સ ઝડપાવવાનો મામલો
• ગૃહ રાજ્યમંત્રી હર્ષ સંઘવીનું નિવેદન
• ડ્રગ્સ માફિયાઓના ઇરાદાઓ પર પાણી ફેરવી દીધુ

ગરિમાં પ્રોજેક્ટના શુભારંભ અવસરે ગૃહ રાજ્યમંત્રી હર્ષ સંઘવીએ નિવેદન આપ્યું હતું. આ દરમિયાન ડ્રગ્સ ઝડપવા મામલે પોલીસે હર્ષ સંઘવીએ ગુજરાત પોલીસ, ATS અને કોસ્ટગાર્ડના કામના વખાણ કર્યા હતા. તેમની કામગીરીને બિરદાવી રાજ્યની પોલીસે ડ્રગ્સ માફિયાઓના ઇરાદાઓ પર પાણી  ફેરવ્યું હોવાનું ઉમેર્યું હતું. 350 કરોડની કિંમતનું 50 કિલોગ્રામ હેરોઇન પેડલર પાકિસ્તાનથી ભારતમાં ઘુસાડતા હતા. જેમને પકડી પાડી આ કેસમાં પાકિસ્તાની નાગરિકોની ધરપકડ પણ કરી લેવામાં આવી છે.

ગુજરાત પોલીસ, ATS અને કોસ્ટગાર્ડ દ્વારા કાર્યવાહી
ગુજરાતમાં યુવાધનને ડ્રગ્સ દ્વારા બરબાદ કરવાનું ષડયંત્ર ચાલી રહ્યું છે. ગુજરાતમાં મોટાપાયે ડ્રગ્સની હેરાફેરી, ડ્રગ્સનું સેવન અને ડ્રગ્સનું વેચાણ થતું હોવાનું ખુલી રહ્યું છે. ભારતીય કોસ્ટ ગાર્ડ અને ગુજરાત ATSએ સંયુક્ત ઓપરેશન હાથ ધરતા કચ્છમાં ભારતીય દરિયાઇ સીમા પાસેથી પાકિસ્તાની બોટમાંથી રૂ. 350 કરોડનું ડ્રગ્સ ઝડપાયું છે. IMBL નજીક 6 શખ્સોને 50 કિલો હેરોઈન સાથે ઝડપી પાડવામાં આવ્યા છે. ભારતીય કોસ્ટ ગાર્ડ અને ગુજરાત ATSએ સાથે મળીને રૂ. 350 કરોડના ડ્રગ્સ સાથે પાકિસ્તાની બોટ 'અલ સાકર'ને ઝડપી પાડી છે. બાદમાં આ આરોપીઓને ઝડપી પાડી તેઓની વધુ તપાસ માટે તેમને બોટ સાથે જખૌ લવાયા હતા.

જામનગરમાંથી તાજેતરમાં MD ડ્રગ્સ ઝડપાયુ હતું
વધુમાં તાજેતરમાં જ જામનગરમાં પણ મોટા ડ્રગ્સ રેકેટનો પર્દાફાશ થયો હતો. જામનગર શહેરના શરૂ સેકશન રોડ પરથી નેવી ઈન્ટેલિજન્સે કરોડોની કિંમતનું MD ડ્રગ્સ ઝડપી પાડવામાં આવ્યું હતું. નેવી ઈન્ટેલિજન્સે બાતમીના આધારે શંકાસ્પદ વ્યક્તિને અટકાવી તેની તપાસ કરતા તેની પાસેથી MD ડ્રગ્સનો 10 કિલો જથ્થો મળી આવ્યો હતો. જેની કિંમત 6 કરોડ રૂપિયા ગણાવવામાં આવી હતી.