Monkey Man / VIDEO: હનુમાનજીથી પ્રેરિત હોલિવૂડ ફિલ્મ Monkey Man : ટ્રેલરમાં જબરદસ્ત એક્શન જોઈ સૌ કોઈ ચોંક્યું

• હનુમાનજીથી પ્રેરિત હોલિવૂડ ફિલ્મ Monkey Man નું ટ્રેલર રીલીઝ
• ઓસ્કાર એવોર્ડ માટે નોમિનેટ થયેલા અભિનેતા દેવ પટેલનો દિગ્દર્શનની દુનિયામાં પ્રવેશ  
• Monkey Man એક એક્શન-થ્રિલર ફિલ્મ છે. દેવ પટેલે તેમાં મુખ્ય ભૂમિકા ભજવી 

Monkey Man : હનુમાનજીથી પ્રેરિત હોલિવૂડ ફિલ્મ Monkey Man નું ટ્રેલર રીલીઝ થઈ ચૂક્યું છે. ઓસ્કાર એવોર્ડ માટે નોમિનેટ થયેલા અભિનેતા દેવ પટેલે દિગ્દર્શનની દુનિયામાં પ્રવેશ કર્યો છે. દિગ્દર્શક તરીકેની તેમની પ્રથમ ફિલ્મ 'મંકી મેન'નું ટ્રેલર લોન્ચ કરવામાં આવ્યું હતું. તેમણે વર્ષ 2018માં જ આ ફિલ્મની જાહેરાત કરી હતી. આ ફિલ્મ પહેલા નેટફ્લિક્સ માટે બની રહી હતી. પરંતુ ટ્રેલરમાં કહેવામાં આવ્યું છે કે, તે મોટા પડદા પર જ રિલીઝ થશે. 

શું છે Monkey Man ના ટ્રેલરમાં ? 
Monkey Man નું ટ્રેલર ભીડવાળા રૂમથી શરૂ થાય છે, જ્યાં ઘણા યુવાનો સૂતા હોય છે. તબલા અને મુખ્ય પાત્રની ઝલક જોઈ શકાય છે. પછી એક અવાજ આવે છે, જો તમે તમારી આંખો બંધ કરશો, તો તમે તમારી જાતને શોધી શકશો.

Monkey Man એક એક્શન-થ્રિલર ફિલ્મ છે. દેવ પટેલે તેમાં મુખ્ય ભૂમિકા ભજવી છે. ફિલ્મની વાર્તા એક એવા માણસની છે જે પોતાની માતાના હત્યારાઓ અને ગરીબો પર જુલમ કરનારાઓ પાસેથી બદલો લેવા ભ્રષ્ટ નેતાઓને શોધે છે. ફિલ્મની વાર્તા ભગવાન હનુમાનની વાર્તાથી પ્રેરિત છે.

દેવ પટેલે Monkey Man માં એક અનામી યુવકની ભૂમિકા ભજવી છે. ટ્રેલરમાં બતાવવામાં આવ્યું છે કે, તે બોક્સિંગ રિંગમાં ફાઈટ કરે છે. તે સિકંદર ખેર સાથે પણ લડતો જોવા મળે છે. આ સમય દરમિયાન ઘણા લોકો મંકી માસ્ક પહેરીને લડતા જોઈ શકાય છે. ટ્રેલરમાં જોરદાર એક્શન અને લડાઈ જોવા મળી રહી છે.

Monkey Man માં હનુમાનજીની ઝલક
શોભિતા ધુલીપાલા પણ મુખ્ય અભિનેત્રીની ભૂમિકા ભજવી રહી છે. હંમેશની જેમ આ ફિલ્મમાં પણ તેનો ગ્લેમરસ લુક જોવા મળી રહ્યો છે. ઘણા દ્રશ્યોની પૃષ્ઠભૂમિમાં હનુમાનજીના પોસ્ટરની ઝલક જોઈ શકાય છે. આ ફિલ્મ એપ્રિલમાં વર્લ્ડવાઈડ બોક્સ ઓફિસ પર રિલીઝ થશે. ફિલ્મનું ટ્રેલર હમણાં જ અંગ્રેજીમાં આવ્યું છે.

વધુ વાંચો: રાહત ફતેહ અલી ખાને નોકરને ચંપલથી માર્યો માર; વીડિયો વાયરલ થતાં કહ્યું આ તો મારો ચેલો છે અને...

Monkey Man માં ઘણા આંતરરાષ્ટ્રીય કલાકારો 
આ તરફ હવે પછીના દિવસોમાં Monkey Man ને અન્ય ભાષાઓમાં પણ ડબ અને રિલીઝ કરી શકાય છે. ફિલ્મમાં શાર્લ્ટો કોપ્લે, પીટોબાશ, વિપિન શર્મા, મકરંદ દેશપાંડે, અશ્વિની કાલસેકર, અદિતિ કાલાકુંટે સહિત ઘણા આંતરરાષ્ટ્રીય કલાકારો છે.