વ્યથા / અચાનક ટીવી પર LIVE આવી ભાજપ નેતાની માતા અને દીકરાની કરતૂત વિશે જે કહ્યું તે સાંભળીને સ્તબ્ધ થઈ જશો

• યુપીના હમીરપુર જિલ્લાના ભાજપ નેતા પ્રમોદ અગ્રવાલનું કરતૂત
•  ઘરડી માતાને ઘરમાંથી કાઢી મૂકી
• કળીયુગમાં કપૂત દિકરાના કૃત્ય પર લોકોનો ફિટકાર વરસ્યો

કળીયુગમાં કપૂત પુત્રના કરતુતથી લોકો કંપી ઉઠ્યાં છે. પોતાની સગી જનેતાને ઘરમાંથી કાઢી મૂકનાર દિકરા પ્રમોદ પર લોકોએ ફીટકાર વરસાવ્યો છે અને ઘરડી માતાને તરછોડી દેનાર પ્રમોદના કામથી ખૂબ ટીકા કરી રહ્યાં છે.

ઘરડી માતાને ત્રણ પુત્રો પણ એક પણ માતાને રાખવા તૈયાર નહીં 

પ્રમોદ અગ્રવાલ ભાજપ નેતા મંડળ અધ્યક્ષ છે. ઘરડી માતાને ત્રણ પુત્રો છે અને ત્રણેય સુખી સમૃદ્ધ પરિવારના છે પરંતુ એક પણ પુત્રે માતાની સંભાળ ન લીધી. થોડા સમયથી માતા પ્રમોદના ઘેર રહેતી હતી પરંતુ એક દિવસ પ્રમોદ માતાને ઘરની બહાર કાઢી મૂકી. ત્યાર બાદ ઘરડી માતા વૃંદાવનમાં ભટકતી રહી હતી. એક ભક્તિ ચેનલને ઘરડી માતાની વ્યથા જાણમાં આવતા તેને તેમની કહાની લોકોને સંભળાવવાનું નક્કી કર્યું.

 ભક્તિ ચેનલે વૃદ્ધ માતાની વ્યથાને લાઈવ દેખાડી.

ત્યાર બાદ ભક્તિ ચેનલે વૃદ્ધ માતાની વ્યથાને લાઈવ દેખાડી. ઘરડી માતાએ લાઈવ ચેનલમાં પોતાની આપવીતી કહી સંભળાવી. દિકરાએ પોતાને કેવી રીતે ઘરની બહાર કાઢી મૂકીને તેની માતાએ માંડીને વાત કરતા લોકો દ્રવી ઉઠ્યાં હતા અને દિકરા પર ફિટકાર વરસાવવા લાગ્યા હતા. 

આ ઘટનાનો વીડિયો વાયરલ થતા લોકો દ્રવી ઉઠ્યાં

આ ઘટનાનો વીડિયો વાયરલ થયો છે. વીડિયો વાયરલ થયા બાદ લોકોએ ભાજપ નેતા પ્રમોદ અગ્રવાલના કરતૂત જાણ્યાં. પ્રમોદ અગ્રવાલે કહ્યું કે ઘરડી માતા મારી માતા હોવાની વાત સાચી પરંતુ તે મારી બહેનના ઘેર હતી અને આ કેવી રીતે બન્યું તેની તેમને ખબર નથી.