અમદાવાદ / ડ્રગ્સ પકડીને ગુજરાત પોલીસ યુવાનોના ભવિષ્યને બચાવે છે, સવાલ ઉઠાવનાર નેતાને ભગવાન સદબુદ્ધિ આપેઃ હર્ષ સંઘવી

• HK કોલેજમાં ઇ એફ.આઈ.આર ને લઈ જાગૃતિ કાર્યક્રમ
• કાર્યક્રમમાં રાજ્ય ગૃહમંત્રી હર્ષ સંઘવીનું નિવેદન  
• ગુજરાત પોલીસે યુવાપેઢીને સાથે જોડીને 750 જેટલા કાર્યક્રમો યોજ્યા 

રાજ્ય સરકાર દ્વારા અનોખી પહેલ સમાન ઇ-એફ.આઈ.આર શરૂ કરવામાં આવી છે. જે અંગેની માહિતી રાજ્યના ખૂણે-ખૂણે માહિતી મળી રહે તે માટે સરકાર અને પોલીસ સક્રિય છે. જેના ભાગરુપે ઇ-એફ.આઈ.આર એપ વિષયક માહિતી વધુ લોકો સુધી પહોંચે અને લોકો તેનો સરળતાથી ઉપયોગ કરી શકે તે માટે અમદાવાદ HK કોલેજ ખાતે ઇ એફ.આઈ.આરને લઈને જાગૃતિ કાર્યક્રમ યોજાયો હતો.જે કાર્યક્રમમાં રાજ્ય ગૃહમંત્રી હર્ષ સંઘવી સહીતનાઑએ હાજરી આપી હતી. જેમાં હર્ષ સંઘવીએ જણાવ્યું હતું કે ડ્રગ્સ પકડીને ગુજરાત પોલીસ યુવાનોના ભવિષ્યને અંધકારમાં ધકેલાતા અટકાવે છે છતાં પણ અમુક નેતાઑ સવાલ ઉઠાવે છે જે સવાલ ઉઠાવનાર નેતાને ભગવાન સદબુદ્ધિ આપે.  

ઇ એફ.આઈ.આરને લઈ જાગૃતિ કાર્યક્રમ
ઇ-એફ.આઈ.આર એપ વિષયક માહિતી કાર્યક્રમમાં રાજ્ય ગૃહમંત્રી હર્ષ સંઘવીએ જણાવ્યુ હતું કે, ગુજરાત પોલીસે યુવાપેઢીને સાથે જોડીને 750 જેટલા કાર્યક્રમો યોજ્યા છે. હવે મોબાઈલ કે વાહન ચોરીની ફરિયાદ માટે પોલીસ સ્ટેશને ધક્કા નહિ ખાવા પડે કારણ કે FIR ઓનલાઈન થઈ શકે છે જેથી લોકોના સમયનો બચાવ થઇ શકે.સાથે-સાથે ચોરીને લઈને ઈન્સ્યુરન્સ પણ ઝડપથી પૂર્ણ થઈ શકશે. વધુમાં હર્ષ સંઘવીએ ઉમેર્યું હતું કે દેશમાં ડ્રગ્સ મોટું દુષણ છે. વેસ્ટન કલચરમાં તમને ફેશન લાગતું હતું પરંતુ આ એક સૌથી મોટુ દુષણ છે.આ દુષણ ખૂબ જ ઝડપથી વકરી રહ્યું છે. જેને અટકાવવા રાજ્યની પોલીસ કામગીરી કરી રહી છે.
 
ગુજરાતમાં ડ્રગ્સ લાવવાનો પ્રયાસ કરશે એને પકડીશું : સંઘવી 
યુવાપેઢી ડ્રગ્સના દુષણમાં સપડાઈ બરબાદી નોતરી રહી છે જેનાથી દુર રહેવાની તાતી જરૂરિયાત છે. આ મામલે પોલીસની કામગીરીને લઈને હર્ષ સંઘવીએ જણાવ્યું હતું કે, ગુજરાત પોલીસ ડ્રગ્સના દૂષણ સામે રીતસરની મેદાને ઉતરી છે અને મોટી માત્રામાં ડ્રગ્સનો જથ્થો ઝડપી રહી છે. વધુમાં ડ્રગ્સ મામલે એક યુવા નેતાના ટ્વીટને લઈ ગૃહમંત્રીએ કટાક્ષ કર્યો હતો. ડ્રગ્સ દરિયાઈ માર્ગે પોલીસ ડ્રગ્સ પકડી રહી હોવાના મુદ્દે કરી કટાક્ષ કરતા તેમણે જણાવ્યું હતું કે ડ્રગ્સ પકડીને ગુજરાત પોલીસ યુવાનોના ભવિષ્યને બચાવે છે છતાં પોલીસની સારી કામગીરી સામે સવાલો કરી વિપક્ષએ ગુજરાતને બદનામ કરવાનો પ્રયાસ કર્યો છે. આવા નેતાઓને ભગવાન સદબુદ્ધિ આપે. જેમાં ઉડતા પજાંબ ઓળખાય છે એમ ઉડતા ગુજરાત કહેશે. આઉપરાંત હર્ષ સંઘવીએ  હુંકાર કરતા જણાવ્યું હતું કે  ગુજરાતમાં ડ્રગ્સ લાવવાનો પ્રયાસ કરશે એને પકડીશું અને ઓરાપીઓનું ઘરનું સરનામુ બદલીને ગુજરાતની જેલ બનાવીશું તેમ જણાવ્યું હતું.