કાર્યવાહી / VIDEO: કારમાંથી રસ્તા પર સૂતળી બોમ્બ ફેંકનારા બંને યુવાનની ધરપકડ, રાજકોટ પોલીસે મંગાવી માફી

Rajkot Viral Video : રાજકોટ શહેરમાં દિવાળી ઉજવણી દરમિયાન બે યુવાનો દ્વારા જોખમી રીતે ફટાકડા (સૂતળી બોમ્બ) ફોડવાની ઘટના સામે આવી હતી. આ તરફ દિવાળી ટાણે ચાલુ કારમાંથી બહાર ફટાકડા ફેંકતા બંને યુવાનોનો વીડિયો સોશિયલ મીડિયામાં વાયરલ થતાં પોલીસે તાત્કાલિક કાર્યવાહી હાથ ધરી હતી.

સોશિયળ મીડિયા પર વીડિયો વાયરલ થયા બાદ રાજકોટ પોલીસ હરકતમાં આવી અને બંને યુવકોની ઓળખ કરી તેમની અટકાયત કરી. પૂછપરછ દરમિયાન બંનેએ સ્વીકાર્યું કે, તેઓ મજાકમસ્તીમાં આ હરકત કરી રહ્યા હતા, પરંતુ તેમની આ બેદરકારીથી અન્ય લોકોના જીવને ગંભીર જોખમ પહોંચી શકત.

પોલીસે બંને આરોપીઓને કાયદાનું ભાન કરાવ્યું અને આવી હરકત ફરી કદી ન કરવા માટે ચેતવણી આપી. સાથે જ સોશિયલ મીડિયામાં જાહેર માફી પણ મંગાવવામાં આવી જેથી અન્ય યુવાનો માટે આ ઘટના ચેતવણીરૂપ બની રહે.

આ પણ વાંચો : ગુજરાત પર વરસાદી ખતરો ઘેરાયો! અંબાલાલ અને હવામાન વિભાગની એક જેવી આગાહી

રાજકોટ પોલીસે જણાવ્યું કે, જાહેર સ્થળે અથવા ચાલતી ગાડીમાંથી ફટાકડા ફોડવા જેવી જોખમી હરકતો સહન નહીં કરવામાં આવે. લોકોની સલામતી માટે આવા કૃત્યો સામે કાયદેસર કાર્યવાહી કરવામાં આવશે. આ ઘટના પછી શહેરમાં અનેક લોકોએ પણ સોશિયલ મીડિયામાં પોલીસની ઝડપી કાર્યવાહીની પ્રશંસા કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ