ખાસ વાંચો / ગુજરાતના આ જાણીતા સ્થળે ફરવા જવાનું વિચારતા હોવ તો કેન્સલ કરજો, ધક્કો માથે પડશે

• પોળો ફોરેસ્ટમાં ફરીથી લગાવાયો પ્રતિબંધ
• જાન્યુઆરીના તમામ રજાઓમાં પ્રતિબંધ લાગૂ
• સહેલાણીઓમાં કોરાના સંક્રમણ ન વધે તે માટે નિર્ણય

પ્રાપ્ત થતી જાણકારી પ્રમાણે, જાન્યુઆરી માસમાં આવતી તમામ રજાઓમાં પોળો ફોરેસ્ટમાં પ્રવેશ પર પ્રતિબંધ યથાવત રાખવામાં આવ્યો છે. ખાસ કરીને શનિ-રવિ દરમિયાન અહીં પ્રતિબંધ રહેશે. ઉલ્લેખનીય છે કે, કોરોના સંક્રમણ ન વધે તે માટે સ્થાનિક વહીવટી તંત્ર દ્વારા પ્રતિબંધ યથાવત રાખવામાં આવ્યો છે. 

સાબરકાંઠા જિલ્લા કલેકટરે લીધો નિર્ણય 

રોજના 20 હજારથી વધુ સહેલાણીઓ પોલો ફોરેસ્ટની મુલાકાત લેતા હોય છે ત્યારે હાલમાં રજાના દિવસોમાં લોકો પોળો જવાનું પસંદ કરતા હોય છે પણ કોરોના સંક્રમણને ટાળવા આ નિર્ણય લેવાયો છે. સાબરકાંઠા જિલ્લા કલેકટર દ્વારા પ્રતિબંધ ફરમાવાયો છે. 

ગુજરાતમાં ગઇકાલે નોંધાયા છે 715 નવા કેસ

ગત 24 કલાક દરમિયાન કોરોનાના 715 નવા કેસ સામે આવ્યા છે. જેથી ગુજરાતમાં અત્યાર સુધીમાં 247,227 દર્દીઓ નોંધાઇ ચૂક્યા છે. રાજ્યમાં કોરોનાથી સાજા થવાનો દર 94.51 ટકા થયો છે. તો ગુજરાતમાં આજે 51,384 ટેસ્ટ કરવામાં આવ્યા છે. જેથી અત્યાર સુધીમાં કુલ 98,10,664 ટેસ્ટ કરવામાં આવ્યા છે. જોકે પહેલા કરતા કોરોનાના ટેસ્ટની સંખ્યા ઘટાડી દેવામાં આવી છે. 

રાજ્યમાં 10 હજારથી ઓછા એક્ટિવ કેસ

રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં આજે 938 દર્દી સાજા થયાં અને અત્યાર સુધીમાં કુલ 2,33,660 દર્દીઓ સાજા થયાં છે. તો હાલ 9250 એક્ટિવ કેસ છે. જેમાંથી 61 દર્દીઓ વેન્ટિલેટર પર છે.