દે દારૂ! / ગુજરાતમાં આટલા હજાર લોકો પાસે છે દારૂની પરમિટ! અરજી સાથે આવકનો આંકડો જાણી ચડશે ચક્કર

રાજ્યમાં 39 હજાર 888 લોકો પાસે દારૂની પરમીટ હોવાનું સામે આવ્યું છે.વિધાનસભામાં કોંગ્રેસના ધારાસભ્ય દિનેશ ઠાકોરે પુછેલા પ્રશ્નના જવાબમાં સરકારે આ ખુલાસો કર્યો છે.દારૂની પરમીટ મેળવવા માટે છેલ્લા 3 વર્ષમાં 14696 અરજીઓ કરવામાં આવી છે. 

સરકારને દારૂના પરવાનાથી કરોડોની આવક થઇ
જ્યારે 30 હજાર 112 લોકોની દારૂની પરમીટ રીન્યૂ કરવામાં આવી છે. દારૂના પરવાનાથી સરકારને કરોડોની આવક થવા પામી છે. 3 વર્ષમાં દારૂના નવા પરવાના હેઠળ 8.75 કરોડ રૂપિયાની આવક સરકારને થઈ છે. રીન્યૂ પરવાના હેઠળ 29.80 કરોડની આવક થઈ છે. આમ સરકારને દારૂના પરવાના હેઠળ છેલ્લા 3 વર્ષમાં 38.56 કરોડની આવક થઈ છે.

ભૂગર્ભ જળની સ્થિતિ અંગે સરકારનો જવાબ
વિધાનસભાના ગૃહમાં ગેનીબેન ઠાકોરે રાજ્યની ભૂગર્ભ જળની સ્થિતિને લઇ સરકારને જણાવ્યું કે રાજ્યમાં ભૂગર્ભ જળની સ્થિતિ અત્યંત ચિંતાજનક હોવાનું સામે આવ્યું છે. રાજ્યના 23 તાલુકાઓમાં ભૂગર્ભ જળના સ્તર ઉંડા ગયા હોવાનો રાજ્ય સરકારે સ્વીકાર કર્યો છે. પરંતુ ભૂગર્ભ જળના સ્તર ઉંડા ગયા હોય તેવા તાલુકાની સંખ્યા ઘટી 30થી 23 થઈ છે . કોંગ્રેસના ધારાસભ્ય ગેનીબેન ઠાકોરના પ્રશ્ન પર સરકારે જવાબ રજૂ કર્યો છે.

વાંચવા જેવું: મહેસાણામાં નીતિન પટેલ કે રજની?, રાજકોટમાં લેઉવા-કડવા રાગ, ચાર જિલ્લામાં આ નેતાઓએ કરી લોકસભા માટે દાવેદારી

રાજ્યમાં છેલ્લા ત્રણ વર્ષમાં કેટલા આપઘાત ?
વિધાનસભાના ગૃહમાં કોંગ્રેસ ધારાસભ્ય ઇમરાન ખેડાવાલાએ જણાવ્યું કે રાજ્યમાં છેલ્લા ત્રણ વર્ષમાં 25 હજાર 478 વ્યક્તિઓએ આપઘાત કર્યો હોવાની વિગતો સામે આવી છે. વર્ષ 2020-21માં 8 હજાર 307 લોકોએ આપઘાત કર્યો હતો. જ્યારે વર્ષ 2021-22માં 8 હજાર 614 લોકોએ આપઘાત કર્યો હતો. આપઘાતના કિસ્સાઓમાં પોલીસે 1901 લોકોની ધરપકડ કરી. જ્યારે 180 પોલીસ પકડથી દૂર છે. આપઘાતના  વિવિધ કારણો ગૃહમાં રજૂ કરવામાં આવ્યા. કોંગ્રેસના ધારાસભ્ય ઈમરાન ખેડાવાલાના પ્રશ્ન પર સરકાર નો જવાબ.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો