મહામારી / 24 કલાકમાં નવા 971 કેસ સાથે 993 દર્દીઓ થયાં સાજા, સૌરાષ્ટ્રના આ જિલ્લાએ ફરી ચિંતા વધારી

• છેલ્લા 24 કલાકમાં નવા 971 કોરોનાના કેસ
• કુલ કેસનો આંકડો 1,81,670 પર પહોંચ્યો
• 993 દર્દીઓ થયાં સાજા, 5 દર્દીઓના મોત

રાજ્યમાં છેલ્લા 24 કલાકમાં નવા 971 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,81,670 પર પહોંચ્યો છે. મહત્વનું છે કે રાજ્યમાં રિકવરી રેટ  92.15 ટકા થયો છે. તો છેલ્લા 24 કલાકમાં 51,789 કોરોનાના ટેસ્ટ કરવામાં આવ્યા જેને લઇને કુલ ટેસ્ટનો આંકડો 65,19,943 પર પહોંચ્યો છે.  

993 દર્દીઓ થયાં સાજા, 5 દર્દીઓના મોત

આજે 993 દર્દીઓ સાજા થતા કુલ સાજા થયેલા દર્દીઓનો આંકડો 1,65,589 પર પહોંચ્યો છે. આજે 5 દર્દીઓના મોત થતા કુલ મૃત્યુઆંક 3,768 પર પહોંચ્યો છે. જેમાં અમદાવાદમાં 2, રાજકોટમાં 2, મહેસાણામાં1 દર્દીનું સારવાર દરમિયાન મોત થયું છે. જ્યારે એક્ટિવ કેસ 12,313છે. જેમાં અમદાવાદ, સુરત, રાજકોટ, મહેસાણા અને વડોદરામાં સૌથી વધુ એક્ટિવ કેસ છે. તો આજે રાજકોટમાં ફરીવાર 90 કેસ નોંધાતા ચિંતા વધી છે. 

આ 3 મહાનગરોમાં સૌથી વધુ કેસ 

રાજ્યમાં સૌથી વધુ સુરત, અમદાવાદ, રાજકોટ, વડોદરામાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 189, અમદાવાદમાં 183, વડોદરામાં 129 અને રાજકોટમાં 90 નવા કોરોનાના કેસ નોંધાયા છે. જોકે જામનગર, બનાસકાંઠા, ગાંધીનગર અને પાટણમાં કોરોનાના કેસનો ઘટાડો જોવા મળી રહ્યો છે.ભાવનગરમાં માત્ર 1 જ કેસ નોંધાયો હતો.

ગુજરાતના વિવિધ જિલ્લામાં નોંધાયેલા કેસની વિગત