મહામારી / આજે નવા 875 કેસ નોંધાયા, રાજકોટ અને જામનગર માટે કોરોનાને લઇને મોટા સમાચાર

• રાજ્યનો રિકવરી રેટ 90 ટકાને પાર
• છેલ્લા 24 કલાકમાં કોરોનાના 875 નવા કેસ
• કુલ સાજા થનારનો આંકડો 1,58,201 પર પહોંચ્યો

રાજ્યમાં છેલ્લા 24 કલાકમાં નવા 875 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,74,679 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 90.60 ટકા થયો છે. રાજ્યમાં કોરોના ટેસ્ટિંગની સંખ્યામાં સતત વધારો કરવામાં આવી રહ્યો છે. રોજના 50 હજારથી વધુ ટેસ્ટ કરવામાં આવી રહ્યા છે. રાજ્યના વસ્તીને ધ્યાને લેતા રોજ આશરે 813.54 ટેસ્ટ કરવામાં આવે છે. ત્યારે છેલ્લા 24 કલાકમાં 52,880 કોરોનાના ટેસ્ટ કરવામાં આવ્યા જેને લઇને કુલ ટેસ્ટનો આંકડો 61,57,811 પર પહોંચ્યો છે.  

1004 દર્દીઓ થયાં સાજા, 5ના મોત

આજે 1004 દર્દીઓ સાજા થતા કુલ સાજા થયેલા દર્દીઓનો આંકડો 1,58,201 પર પહોંચ્યો છે. આજે 4 દર્દીઓના મોત થતા કુલ મૃત્યુઆંક 3,728 પર પહોંચ્યો છે. જ્યારે એક્ટિવ કેસ 12,700 છે. જેમાં અમદાવાદ, સુરત, રાજકોટ, મહેસાણા અને વડોદરામાં સૌથી વધુ એક્ટિવ કેસ છે. 

આ 3 જિલ્લામાં કુલ 4 દર્દીઓના મોત

આજે કોરોના વાયરસે 4 દર્દીઓનો ભોગ લીધો છે. જેમાં અમદાવાદમાં 2, સુરતમાં 1, બનાસકાંઠીમાં 1 દર્દીનું સારવાર દરમિયાન મોત થયું છે.

આ 3 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરામાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 206, અમદાવાદમાં 177, વડોદરામાં 110 કોરોનાના કેસ નોંધાયા છે.

ગુજરાતના 2 જિલ્લા રાજકોટ અને જામનગરમાં 50થી ઓછા કેસ

ગુજરાતના 2 જિલ્લા રાજકોટ અને જામનગરમાં 50થી ઓછા કેસ નોંધાયા છે. આજે રાજકોટમાં 42 અને જામનગરમાં 32 કેસ નોંધાયા છે. જોકે વડોદરામાં 110 કેસ નોંધાયા છે.