- ગુજરાતમાં કોરોનાની બીજી લહેર?
- 24 કલાકમાં નવા 1125 કોરોનાના કેસ
- 1116 દર્દીઓએ કોરોનાને આપી મ્હાત
ઉલ્લેખનીય છે કે, શિયાળાની શરૂઆત અને તહેવારોની મોસમ જામી છે ત્યારે કોરોના વાયરસથી બચવા માટે ખાસ કાળજી રાખવા માટે ચેતવણી આપવામાં આવી છે. જો કે, આ તમામ પ્રકારની ચેતવણી અવગણીને ગુજરાતીઓ ટહેલવા નીકળી પડ્યા છે.પરંતુ આ તમામ બાબતો વચ્ચે ગુજરાતમાં થોડાક દિવસોથી કોરોના વાયરસ ફરીથી માથું ઊંચકી રહ્યો છે. દિવાળીના તહેવારોની મોસમ જામી છે ત્યારે મહાનગરોમાં લોકો કોરોનાના નિયમોનું ઉલ્લંઘન કરતા દેખાયા હતા ત્યારે અમદાવાદ, સુરત, રાજકોટ અને વડોદરા જેવા શહેરોમાં સંક્રમણનું પ્રમાણ વધી રહ્યું છે.
કોરોના અપડેટ :
રાજ્યમાં છેલ્લા 24 કલાકમાં નવા 1125 કોરોના વાયરસના પોઝિટિવ કેસ નોંધાયા છે. મહત્વનું છે કે રાજ્યમાં રિકવરી રેટ 91.45 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 47,328 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 6,923,993 પર પહોંચ્યો છે.
કોરોના વાયરસના નવા કેસની સામે આજે 1116 દર્દીઓ સાજા થતા કુલ સાજા થયેલા દર્દીઓનો આંકડો 1,74,088 પર પહોંચ્યો છે. આજે 7 દર્દીઓના મોત થતા કુલ મૃત્યુઆંક 3815 પર પહોંચ્યો છે. રાજ્યમાં હાલમાં 12458 એક્ટિવ કેસ છે, આ કેસ પૈકીના 74 દર્દીઓ સરકારી ચોપડે વેન્ટિલેટર પર છે જ્યારે 12384 દર્દીઓ સ્ટેબલ છે.
દવાખાનાઓમાં બેડ ખૂટી પડે તેવી સ્થિતિ
દેશ દિવાળીના તહેવારોની ઉજવણી કરી રહ્યો છે ત્યારે કોરોના વાયરસના નવા કેસ પણ સામે આવી રહ્યા છે અને ખાસ કરીને મહાનગરોમાં સંક્રમણે ચિંતા વધારી છે. ગઇકાલે કોરોના વાયરસના નવા 926 કેસ સામે આવ્યા હતા. તો ચિંતાજનક વાત એ છે કે, અમદાવાદની સિવિલ હોસ્પિટલમાં કોરોનાના 648 દર્દીઓ હાલ સારવાર હેઠળ છે.
ઉલ્લેખનીય છે કે, 80 દર્દીઓ ઓક્સિજન બહારથી પુરો પાડવામાં આવ્યો છે. તો મે મહિના કરતા પણ ખરાબ પરિસ્થિતિનું નિર્માણ થઇ શકે છે તેવી આશંકાઓ વ્યક્ત કરવામાં આવી છે.
હોસ્પિટલ ફૂલ થવાની પણ શક્યતા
ગુજરાતમાં કોરોના વિસ્ફોટ થયો છે ત્યારે અમદાવાદમાં આગામી દિવસોમાં જો આવી જ સ્થિતિ રહી તો હોસ્પિટલ ફૂલ થવાની પણ શક્યતાઓ નકારી શકાતી નથી. ત્યારે આ સ્થિતિને પહોંચી વળવા મનપા તંત્રએ કમર કસી છે અને બેડ ખૂટે તો કિડની અને કેન્સર હોસ્પિટલના બેડ ઉપયોગમાં લેવામાં આવશે તેવી જાહેરાત કરવામાં આવી છે.
તહેવાર ટાણે કોરોનાનો થયો વિસ્ફોટ
ગુજરાતમાં કોરોના વાયરસના કેસમાં સતત વધારો થઇ રહ્યો છે અને દિવાળી બાદ હવે મુખ્યત્વે અમદાવાદમાં કોરોનાએ ચિંતામાં વધારો કર્યો છે. અમદાવાદમાં દિવાળી માં જાણે કોરોના વાયરસનો બોમ્બ ફૂટ્યો છે.
છેલ્લા 24 કલાકમાં ગુજરાતના વિવિધ જિલ્લામાં નોંધાયેલા કેસની વિગત
| 17/11/2020 |
પોઝિટિવ કેસ |
| અમદાવાદ |
234 |
| સુરત |
180 |
| વડોદરા |
133 |
| ગાંધીનગર |
58 |
| ભાવનગર |
7 |
| બનાસકાંઠા |
52 |
| આણંદ |
17 |
| રાજકોટ |
92 |
| અરવલ્લી |
5 |
| મહેસાણા |
60 |
| પંચમહાલ |
15 |
| બોટાદ |
3 |
| મહીસાગર |
25 |
| ખેડા |
12 |
| પાટણ |
34 |
| જામનગર |
22 |
| ભરૂચ |
16 |
| સાબરકાંઠા |
14 |
| ગીર સોમનાથ |
6 |
| દાહોદ |
18 |
| છોટા ઉદેપુર |
4 |
| કચ્છ |
23 |
| નર્મદા |
3 |
| દેવભૂમિ દ્વારકા |
3 |
| વલસાડ |
0 |
| નવસારી |
2 |
| જૂનાગઢ |
19 |
| પોરબંદર |
0 |
| સુરેન્દ્રનગર |
45 |
| મોરબી |
12 |
| તાપી |
0 |
| ડાંગ |
0 |
| અમરેલી |
11 |
| અન્ય રાજ્ય |
0 |
