મહામારી / 24 કલાકમાં 1175 નવા કેસ સાથે 1414 દર્દીઓ થયાં સાજા, રાજ્યમાં કુલ મૃત્યુઆંક 3600 નજીક પહોંચ્યો

Kavan

Last Updated: 07:07 PM, 14 October 2020

FOLLOW ON

શેર કરો

ભારતમાં કોરોના વાયરસના કેસ 70 લાખને પાર પહોંચી ચૂક્યા છે, જ્યારે દેશમાં કોરોનાથી દર્દીઓના મોતનો 1 લાખને પાર પહોંચી ચૂક્યો છે. ત્યારે છેલ્લા 24 કલાકમાં ગુજરાતમાં 1175 નવા કોરોનાના કેસ નોંધાયા છે. અમદાવાદ, સુરત, રાજકોટ, વડોદરા અને જામનગરમાં સૌથી વધુ કોરોનાનું સંક્રમણ ફેલાઇ રહ્યું છે. રાજ્યમાં હજુ કોરોના કાબૂમાં નથી આવ્યો જે ખરેખર ચિંતાજનક બાબત છે. જોકે રિકવરી રેટ સારો છે. રાજ્યમાં 14,959 એક્ટિવ કેસ છે. અમદાવાદ બાદ સૌથી વધુ સુરતમાં કોરોનાના દર્દીઓના મોત થયા છે.

છેલ્લા 24 કલાકમાં ગુજરાતમાં કોરોનાના 1175 નવા કેસ
1414 દર્દીઓ થયાં સાજા
4 જિલ્લામાં કુલ 11 દર્દીઓના મોત

નોંધનીય છે કે, રાજ્યમાં છેલ્લા 24 કલાકમાં 50,993 કોરોનાના ટેસ્ટ કરવામાં આવ્યા જેમાંથી 1175 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,55,098 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 88.04 ટકા થયો છે.

આજે 1414 દર્દીઓ થયાં સાજા

આજે 1414 દર્દીઓ સાજા થતા કુલ સાજા થયેલા દર્દીઓનો આંકડો 1,36,541 પર પહોંચ્યો છે. આજે 11 દર્દીઓના મોત થતા કુલ મૃત્યુઆંક 3,598 પર પહોંચ્યો છે. જ્યારે એક્ટિવ કેસ 14,959 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે. તો અત્યાર સુધીમાં રાજ્યમાં કુલ 51,65,670 ટેસ્ટ કરવામાં આવ્યા છે.

આ 4 જિલ્લામાં કુલ 11 દર્દીઓના મોત

આજે કોરોના વાયરસે 11 દર્દીઓનો ભોગ લીધો છે. જેમાં અમદાવાદમાં 4, સુરતમાં 3, ગાંધીનગર 1, પાટણ 1, રાજકોટ 1, વડોદરામાં 1 દર્દીનું સારવાર દરમિયાન મોત થયું હતું.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 252, અમદાવાદમાં 182, રાજકોટમાં 105, વડોદરામાં 117 અને જામનગરમાં 85 કોરોનાના કેસ નોંધાયા છે.

ગુજરાતના વિવિધ જિલ્લામાં છેલ્લા 24 કલાકમાં નોંધાયેલા કેસની વિગત

14/10/2020	પોઝિટિવ કેસ
અમદાવાદ	182
સુરત	252
વડોદરા	117
ગાંધીનગર	46
ભાવનગર	20
બનાસકાંઠા	11
આણંદ	12
રાજકોટ	105
અરવલ્લી	6
મહેસાણા	37
પંચમહાલ	19
બોટાદ	2
મહીસાગર	8
ખેડા	6
પાટણ	23
જામનગર	85
ભરૂચ	25
સાબરકાંઠા	19
ગીર સોમનાથ	18
દાહોદ	10
છોટા ઉદેપુર	4
કચ્છ	20
નર્મદા	5
દેવભૂમિ દ્વારકા	11
વલસાડ	3
નવસારી	10
જૂનાગઢ	41
પોરબંદર	6
સુરેન્દ્રનગર	23
મોરબી	14
તાપી	7
ડાંગ	0
અમરેલી	28
અન્ય રાજ્ય	0