ચિંતા / 24 કલાકમાં 1221 નવા કેસ સાથે કુલ આંકડો 1.50 લાખને પાર, કચ્છમાં 2 દિવસની અંદર 346 દર્દીઓ થયા સાજા

• 24 કલાકમાં ગુજરાતમાં 1,221 નવા કોરોનાના કેસ
• કુલ કેસનો આંકડો 1.50 લાખને પાર 
• ઉત્તર ગુજરાતમાં વધ્યું સંક્રમણ 

નોંધનીય છે કે, રાજ્યમાં છેલ્લા 24 કલાકમાં 51,288 કોરોનાના ટેસ્ટ કરવામાં આવ્યા જેમાંથી 1,221 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,50,415 પર પહોંચ્યો છે. મહત્વનું છે કે રાજ્યમાં રિકવરી રેટ 87.02 ટકા છે. 

આજે 1,456 દર્દીઓ થયાં સાજા

આજે 1,456 દર્દીઓ સાજા થતા કુલ સાજા થયેલા દર્દીઓનો આંકડો 1,30,897 પર પહોંચ્યો છે. આજે 10 દર્દીઓના મોત થતા કુલ મૃત્યુઆંક 3,560 પર પહોંચ્યો છે. જ્યારે એક્ટિવ કેસ 15,958 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે. તો અત્યાર સુધીમાં રાજ્યમાં કુલ 49,61,455 ટેસ્ટ કરવામાં આવ્યા છે. મહાનગરો બાદ કચ્છ જિલ્લામાં સૌથી વધુ 181 દર્દીઓ સાજા થયા છે.

આ 5 જિલ્લામાં કુલ 10 દર્દીઓના મોત

આજે કોરોના વાયરસે 10 દર્દીઓનો ભોગ લીધો છે. જેમાં અમદાવાદમાં 4, સુરતમાં 3, રાજકોટમાં 1, ગાંધીનગરમાં 2 દર્દીનું સારવાર દરમિયાન મોત થયું  હતું.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 252, અમદાવાદમાં 176, રાજકોટમાં 114, વડોદરામાં 119 અને જામનગરમાં 96 કોરોનાના કેસ નોંધાયા છે. જોકે આ સાથે જ ઉત્તર ગુજરાતના મહેસાણા, સાબરકાંઠા અને બનાસકાંઠા જિલ્લામાં પણ કોરોનાનું સંક્રમણ વધી રહ્યું છે. જે ખરેખર ચિંતાજનક બાબત છે. 

શું છે કચ્છની સ્થિતિ?

મહાનગરો બાદ કચ્છ જિલ્લામાં સૌથી વધુ 181 દર્દીઓ સાજા થયા. ગઇકાલે પણ કચ્છમાં 165 દર્દીઓ સાજા થયા છે. અત્યાર સુધીમાં જિલ્લામાં 3524 દર્દીઓ સાજા થઇ ચૂક્યા છે. અત્યાર સુધીમાં કુલ 33 દર્દીઓના મોત થઇ ચૂક્યા છે. હાલ 476 એક્ટિવ કેસ છે.

રાજ્યમાં અત્યાર સુધીમાં નોંધાયેલા કોરોનાના કેસની જિલ્લાવાર વિગત

10/10/2020	પોઝિટિવ કેસ
અમદાવાદ	176
સુરત	252
વડોદરા	119
ગાંધીનગર	37
ભાવનગર	22
બનાસકાંઠા	34
આણંદ	9
રાજકોટ	114
અરવલ્લી	3
મહેસાણા	35
પંચમહાલ	20
બોટાદ	3
મહીસાગર	10
ખેડા	8
પાટણ	31
જામનગર	96
ભરૂચ	34
સાબરકાંઠા	24
ગીર સોમનાથ	12
દાહોદ	11
છોટા ઉદેપુર	3
કચ્છ	25
નર્મદા	12
દેવભૂમિ દ્વારકા	5
વલસાડ	6
નવસારી	4
જૂનાગઢ	37
પોરબંદર	3
સુરેન્દ્રનગર	21
મોરબી	22
તાપી	9
ડાંગ	2
અમરેલી	22