Video / આવાં લોકોના લીધે જ નિર્દોષ બને છે અકસ્માતનો ભોગ, જુઓ ફિલ્મી સ્ટાઇલમાં સ્ટંટ મારતા બેલગામ કલરિયાઓ

Dhoraji Bike Stunt : ધોરાજી શહેરમાં કેટલાક યુવકો દ્વારા જોખમી સ્ટંટ કરતા વીડિયો સોશિયલ મીડિયામાં વાયરલ થતા ચર્ચાનો વિષય બન્યો છે. મળતી માહિતી મુજબ ધોરાજી-જેતપુર રોડ પર ચાલતી બાઈક પર યુવકો વિવિધ પ્રકારના ખતરનાક સ્ટંટ કરતા જોવા મળ્યા છે. એક વીડિયોમાં તો યુવક ચાલતી બાઈક પર સૂઈ જાય છે અને હાથ છોડીને સંતુલન જાળવવાનો પ્રયાસ કરે છે, જ્યારે અન્ય યુવકો તેનો વીડિયો બનાવી રહ્યા છે. નોંધનીય છે કે, VTV Digital આ વીડિયોની કોઈપણ પ્રકારે પુષ્ટિ કરતું નથી.

આ વીડિયોમાં યુવકોની બેદરકારી સ્પષ્ટ રીતે જોવા મળે છે. આવી હરકતો માત્ર તેમની જ નહીં, પરંતુ માર્ગ પરના અન્ય વાહનચાલકોના જીવ માટે પણ જોખમરૂપ બની શકે છે. ટ્રાફિક નિયમોનું ઉલ્લંઘન કરી સોશિયલ મીડિયા પર લોકપ્રિય થવા માટે આવી ખતરનાક હરકતો કરવી એ નીતિગત અને કાનૂની રીતે પણ ગુનાહિત ગણાય છે.

આ પણ વાંચો : પ્રથમ વેચાણમાં જ અઢી લાખનો ફાયદો, ખેતીમાં ભાવનગરના 4 યુવાન મિત્રોની મહેનત રંગ લાવી

સ્થાનિક નાગરિકોએ આ પ્રકારની હરકતોની નિંદા કરી છે અને યુવાઓને સમજદારી રાખવા અપીલ કરી છે. રસ્તો દેખાડવા માટે બનાવેલા નિયમોનું પાલન દરેક માટે આવશ્યક છે, કારણ કે એક ક્ષણની બેદરકારી જીવલેણ સાબિત થઈ શકે છે. વાયરલ થયેલા વીડિયોની VTV Digital કોઈપણ પ્રકારે રીતે પુષ્ટિકરતું નથી. જોકે વીડિયો જોતા એ સ્પષ્ટ થાય છે કે, યુવાઓએ માત્ર મનોરંજન માટે જ નહિ, પરંતુ પોતાના જીવને જોખમમાં મૂકી આ વીડિયો તૈયાર કર્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ