નિર્ણય / EXCLUSIVE : ગુજરાતના ચીફ સેક્રેટરીનો વધુ એક વખત કાર્યકાળ લંબાવાયો, રાજ્યના ઈતિહાસમાં બન્યો આ રેકોર્ડ

• છ મહિના કરતા પણ વધારેનો કાર્યકાળ મેળવનાર મુકિમ ગુજરાતના ઈતિહાસમાં પહેલા મુખ્ય સચિવ બન્યાં 
• ભારત સરકારે અનિલ મુકિમનો કાર્યકાળ લંબાવવાનો નિર્ણય કર્યો
• ઓગસ્ટ 2020 માં છ મહિનાનું એક્સેટેન્શન મળ્યું હતું હવે ફેબ્રુઆરીમા બીજા છ મહિનાનું ફરી એક્સટેન્શન મળ્યું 

સેવાનિવૃતી બાદ છ મહિના કરતા પણ વધારેનો કાર્યકાળ મેળવનાર મુકિમ ગુજરાતના ઈતિહાસમાં પહેલા મુખ્ય સચિવ બન્યાં છે. 

ભારત સરકારે ગુજરાત સરકારના મુખ્ય સચિવ પદે અનિલ મુકિમનો કાર્યકાળ લંબાવવાનો નિર્ણય કર્યો છે. 

અનીલ મુકીમ વડાપ્રધાન મોદીની ગુડબુકમાં

ઉલ્લેખનીય છે કે ગુજરાત કેડરના 1985 ની બેચના અધિકારી મુકીમ ઓગસ્ટ 2020 માં સેવાનિવૃત થવાના હતા પરંતુ કેન્દ્ર સરકારે તેમના કાર્યકાળમાં છ મહિનાનો વધારો કર્યો હતો. તેમનો છ મહિનાનો આ કાર્યકાળ ફેબ્રુઆરીમાં પૂરો થઈ રહ્યો છે.ટોચના સૂત્રોએ VTV ગુજરાતીને જણાવ્યું કે મુકીમને વધુ એક વાર એક્સટેન્શન મળ્યું છે. 

મુકીમના એક્સટેન્શનનો વિધિસરનો ઓર્ડર ટૂંક સમયમાં જારી થવાનું પણ સૂત્રોએ જણાવ્યું હતું. 

મુખ્ય સચિવપદે મુકીમનો કાર્યકાળ બીજી વાર વધવા પાછળનુ મુખ્ય કારણ એ છે કે તેઓ વડાપ્રધાન મોદીની ગુડબુકમાં છે અને મોદી તેમને ગુજરાતના  મુખ્ય સચિવ પદે જાળવી રાખવા માગે છે. ગુજરાત વહિવટીય સેવામાં હજુ સુધી તેમનો વિકલ્પ મળ્યો નથી તે પણ એક કારણ છે.