લૉકડાઉન / નવી શરૂઆત, નવી રીત : ગુજરાતમાં હેર સલૂન અને બ્યુટી પાર્લરમાં જોવા મળ્યો આવો નજારો

• લૉકડાઉન 4માં કેટલીક છૂટછાટ
• સાવચેતી સાથે સલૂન શરૂ
• રખાઇ રહી છે વિશેષ તકેદારી

સરકાર દ્વારા આજે 55 દિવસના લૉકડાઉન બાદ છૂટછાટ આપવામાં આવી છે. અમદાવાદ, સુરત, વડોદરા, રાજકોટ સહિતના શહેરોમાં પણ અમુક ગાઈડલાઈનને આધારે નોકરી-ધંધા ચાલુ રાખવાની છૂટછાટ આપવામાં આવી છે. ત્યારે અમદાવાદના નૉન કન્ટેનમેન્ટ વિસ્તારમાં સલૂન અને બ્યુટી પાર્લર ખુલ્યા છે.

હેર સલુનમાં સેનેટાઇઝ અને ડિસ્પોઝેબલ વસ્તુઓનો ઉપયોગ

અમદાવાદના શિવરંજની વિસ્તારમાં આવેલી હેર સલુન પણ વિશેષ તકેદારી સાથે શરૂઆત કરવામાં આવી છે. હેર સલુનમાં સેનેટાઇઝ અને ડિસ્પોઝેબલ વસ્તુઓનો ઉપયોગ કરવામાં આવી રહ્યો છે. સાથે સાથે ગ્રાહકો અને દુકાનદાર સંક્રમિત ન થાય તે માટે વિશેષ તકેદારી પણ લેવામાં આવી રહી છે. તેમજ વાળ કાપવા માટે સાધનોને યુવી લેમ્પ દ્વારા પ્રોટેકશન સાથે સેનેટાઇઝ પણ કરવામાં આવે છે. અને સંક્રમણ ન થાય તે માટે ડિજિટલ પેમેન્ટ સિસ્ટમ ઉપયોગ કરવામાં આવે છે.

બ્યુટી પાર્લર શરૂ થતા મહિલાઓ પણ ઉમટી પડી

સરકાર દ્વારા છૂટછાટ આપવામાં આવતા આજે જામનગર ફરીથી બજાર ખુલ્યા છે. બજાર ખુલતા જ લોકો ઘરથી બહાર નિકળ્યા હતા. પાન, મસાલા સહિતની દુકાનો પર સવારથી જ ભીડ જોવા મળી હતી. આ દરમિયાન લોકોમાં સોશિયલ ડિસ્ટન્સનો અભાવ જોવા મળ્યો છે. તો બીજી તરફ આજે બ્યુટી પાર્લર શરૂ થતા મહિલાઓ પણ ઉમટી હતી. પાર્લર સંચાલકો દ્વારા તકેદારીના તમામ પ્રકારથી વ્યવસ્થાઓ કરવામાં આવી છે.. પાર્લરમાં પ્રવેશતા જ સમયે સેનેટાઈઝ કરવામાં આવે છે. પાર્લરમાં આવતા લોકો માટે માસ્ક ફરજિયાત કરાયું છે.