જાહેરનામું / ગુજરાતમાં 15મી ઓગસ્ટની ઉજવણી માટે ગાઇડલાઇન જાહેર, CMનું પ્રવચન અને રાષ્ટ્રગાન થશે

• રાજ્યમાં 15મી ઓગસ્ટની ઉજવણીને લઇને જાહેરનામું
• રાજયકક્ષાના કાર્યક્રમમાં ગાર્ડ ઓફ ઓનર અપાશે
• મુખ્યમંત્રીનું પ્રવચન અને રાષ્ટ્રગાન થશે 

ગુજરાતમાં આગામી 15 ઓગસ્ટની ઉજવણીને લઇને જાહેરનામું બહાર પાડવામાં આવ્યું છે. જેમાં રાજ્યકક્ષાના કાર્યક્રમમાં ગાર્ડ ઓફ ઓનર આપવામાં આવશે. આ સાથે મુખ્યમંત્રી વિજય રૂપાણીનું પ્રવચન તેમજ રાષ્ટ્રગાન થશે. 

આમ રાજ્યમાં 15મી ઓગસ્ટની ઉજવણીને લઇને જાહેરનામું જાહેર કરાયું છે. આ સાથે તાલુકા અને જિલ્લા કક્ષાની ઉજવણીને લઇને પણ ગાઇ઼ડલાઇન જાહેર કરાઇ છે. જિલ્લાના કાર્યક્રમમાં 150 આમંત્રિતોને રાખવાનો હુકમ કરાયો છે.

જ્યારે ઉજવણી દરમિયાન મંચ પર 5 જ મહાનુભાવો જ  ઉપસ્થિત રહેશે. તાલુકા કક્ષાના કાર્યક્રમમાં 100 આમંત્રિતો રાખવા સૂચના અપાઇ છે. ગ્રામ પંચાયત કક્ષાએ 50 લોકોને જ આમંત્રણ આપવાનો ગાઇડલાઇનમાં ઉલ્લેખ કરાયો છે.