કોવિડ 19 / આરોગ્ય ક્ષેત્રે ભયંકર નુકસાન પણ આર્થિક મોરચે માલામાલ, સરકારની તિજોરીમાં રેકોર્ડબ્રેક આવક

• કોરોનાના કેસ વધતાં હાલમાં મેડિકલ ક્ષેત્રે મોટું સંકટ 
• કોરોનાની બીજી લહેરે આરોગ્ય સેક્ટરને ધ્વસ્ત કર્યું, પણ આર્થિક રિકવરી હજુ અડીખમ 
• એપ્રિલ મહિનામાં 1,41 લાખ કરોડનું કલેક્શન 

મહત્વનું છે કે દેશનું GST કલેક્શન એપ્રિલ મહિને તેના રેકોર્ડ લેવલ 1.41 લાખ કરોડના આંકે પહોંચી ગયું છે, અને એક રીતે આ માની શકાય કે મંદીમાંથી બહાર આવવા માટે મથી રહેલી ભારતની અર્થવ્યવસ્થા માટે આ ઘણા સારા સમાચાર છે, ભલે હાલમાં દેશમાં આરોગ્ય માળખું કટોકટી જેવી સ્થિતિમાંથી પસાર થઈ રહ્યું છે, પણ ભારતની આર્થિક પુન: રિકવરીમાં આ લહેર બહુ પ્રભાવક નહીં બને, આ ખબર દેશના ઘણા નાગરિકોને દેશના અર્થતંત્રમાં ભરોસો અપાવશે, અને વિદેશી રોકાણકારોનો ટ્રસ્ટ જાળવી રખાય તો ભારત જલ્દીથી ફાસ્ટ ઈકોનોમિક રિકવરી મેળવી શકે છે. 

કોરોનાની બીજી લહેર છતાં આર્થિક રિકવરી હજુ શરૂ 

કોરોનાની બીજી લહેર હોવા છતાં, તેની અસર ભારતીય અર્થવ્યવસ્થા પર હજી દેખાઈ નથી.GST કલેક્શન એપ્રિલમાં રેકોર્ડ 1.41 લાખ કરોડ પર પહોંચ્યું છે. અગાઉ માર્ચમાં સૌથી વધુ GST કલેક્શન 1 લાખ 23 હજાર કરોડ હતું. દેશના અર્થતંત્ર માટે આ એક સારા સમાચાર છે. GST કલેક્શન સતત સાતમા મહિનામાં 1 લાખ કરોડના આંકને વટાવી ગયું છે અને રોગચાળા પછી સતત પાંચમી વખત 1.1 લાખ કરોડ રૂપિયાના આંકને પાર કરી ગયો છે, જે અર્થતંત્રમાં સુધારો દર્શાવે છે.

નાણાં મંત્રાલયે જાહેર કરેલી અખબારી યાદી મુજબ, આ વખતે રૂ. 1,41,384 કરોડ GST તરીકે પ્રાપ્ત થયા છે, જેમાં CGST 27,837 કરોડ, SGST કરોડ (માલની આયાત પર એકત્રિત રૂ. 981 કરોડ સહિત) કોરોના રોગચાળાની બીજી લહેર દેશના ઘણા ભાગોને અસર કરતી હોવા છતાં, ભારતીય ઉદ્યોગોએ ફરી એક વાર માત્ર રીટર્ન ફાઇલિંગ જેવી જરૂરિયાતોનું પાલન કર્યું નથી, પરંતુ મહિના દરમિયાન તેમના GST રિટર્ન સમયસર ભર્યા છે.

GST લાગુ થયા પછીનું સૌથી મોટું કલેક્શન 

GST લાગુ થયા પછી એપ્રિલ 2021 માં GST કલેક્શન સૌથી વધુ છે. છેલ્લા છ મહિનાથી GST સંગ્રહમાં વૃદ્ધિના વલણને અનુરૂપ, એપ્રિલમાં GST સંગ્રહ માર્ચ કરતા 14% વધારે છે. આ મહિનામાં ડોમેસ્ટિક ટ્રાન્ઝેક્શનથી આવક (સેવાઓની આયાત સહિત) અગાઉના મહિના કરતા 21% વધારે છે. ક્વાર્ટરલી રિટર્ન અને માસિક ચુકવણી યોજના સફળતાપૂર્વક લાગુ કરવામાં આવી છે નાના કરદાતાઓને પણ રાહત અપાઈ કારણ કે તેઓ હવે દર ત્રણ મહિને માત્ર એક જ રિટર્ન ફાઇલ કરે છે. પહેલાથી જ ભરેલા GSTR 2 A અને 3 B રિટર્નના સ્વરૂપમાં કરદાતાઓને આઇટી સપોર્ટ પૂરો પાડવો અને સિસ્ટમની ક્ષમતામાં ઘટાડો કરવાથી રીટર્ન ફાઇલિંગ પ્રક્રિયા પણ સરળ બને છે.