- ગૌરી ખાન કમાણીનાં મામલામાં બોલિવૂડની એક્ટ્રેસને પાછળ મૂકે છે
- 1-2 નહીં પણ અનેક બિઝનેસની માલકિન છે ગૌરી ખાન
- પ્રોડક્શન, ડિઝાઈનિંગથી લઈને રેસ્ટોરેન્ટની પણ માલિકી ધરાવે છે
શાહરૂખ ખાનની પત્ની ગૌરી ખાન એક સુપરસ્ટારની પત્ની જ નહીં પરંતુ એક સફળ બિઝનેસ વુમન પણ છે. ગૌરી ખાનનાં 1-2 નહીં પણ અનેક મોટા બિઝનેસ છે. કમાણીનાં મામલામાં તે બોલીવુડની ટોપ એક્ટ્રેસ દીપિકા પાદુકોણ અને પ્રિયંકા ચોપડાને પણ પાછળ મૂકે છે.
ગૌરી ખાન શું બિઝનેસ કરે છે?
દિલ્હીની રહેનારી ગૌરી ખાને LSR કોલેજથી હિસ્ટ્રીમાં ગ્રેજ્યુએશન કર્યું છે. એ બાદ ગૌરીએ NIFTથી ફેશન ડિઝાઈનિંગનો કોર્સ કર્યો હતો. 1991માં ગૌરીએ શાહરૂખ સાથે લગ્ન કર્યાં અને મુંબઈ શિફ્ટ થઈ ગઈ. લાઈફસ્ટાઈલ એશિયાની એક રિપોર્ટ અનુસાર ગૌરી ખાન આજે 1600 કરોડની માલકિન છે. ગૌરી ખાનનું નામ બિઝનેસની દુનિયામાં સૌથી શક્તિશાળી મહિલાઓની લિસ્ટમાં શામેલ છે.
પ્રોડ્યૂસર ગૌરી ખાન
વર્ષ 2002માં ગૌરી ખાને રેડ ચિલીઝ એન્ટરટેઈનમેંટ પ્રોડક્શન હાઉસની શરૂઆત કરી હતી. આ કંપનીમાં શાહરૂખ ખાન પણ પાર્ટનર છે. ગૌરી ખાનની આ કંપનીએ ફિલ્મ 'મૈં હું ના'થી શરૂઆત કરી હતી અને હવે જવાન સહિત 20થી વધારે શાનદાર ફિલ્મો બનાવી છે. રિપોર્ટસ અનુસાર ગૌરી ખાન હાલમાં વાર્ષિક 500 કરોડથી વધારેની કમાણી કરે છે.
ડિઝાઈનર ગૌરી ખાન
ગૌરીએ ઈંટીરિયર ડિઝાઈનિંગની દુનિયામાં પણ પગ મૂક્યો. મુંબઈનાં જૂહુમાં પોતાનો પહેલો સ્ટોર 'ગૌરી ખાન ડિઝાઈન્ઝ 'શરૂ કર્યો. આ સ્ટૂડિયોની કિંમત આશરે 150 કરોડ છે. ગૌરી ખાને દુનિયાનાં ટોપ લોકોનાં ઘર ડિઝાઈન કર્યાં છે જેમાં મુકેશ અંબાણી, નીતા અંબાણી, રોબર્ટો કેવલ્લી, રાલ્ફ લોરેન અને બોલીવુડની અનેક ફેમસ સેલિબ્રિટઝ શામેલ છે.
200 કરોડનો બંગલો
ગૌરી ખાને પોતાનો બંગલો મન્નત પણ ડિઝાઈન કર્યો છે.જેમાં શાહીથી લઈને દરેક મોર્ડન ચીજો જોવા મળે છે. 6 ફ્લોરના મન્નતને ગૌરી ખાને શાનદાર લૂક આપ્યો છે. આ બંગલાની કિંમત 200 કરોડથી વધારેની છે. આ સિવાય ગૌરી ખાને કરણ જોહરનો પેન્ટહાઉસ ટેરેસ, આલિયા ભટ્ટનું ઘર, સિદ્ધાર્થ મલ્હોત્રાનું ઘર અને શાહિદ કપૂરનું ઘર પણ ડિઝાઈન કર્યું છે.
ગૌરી ખાનનો રેસ્ટોરેન્ટ
મુંબઈમાં 'અર્થ' નામક શાનદાર રેસ્ટોરેન્ટ પણ ગૌરી ખાનનો છે. તેણે જ આ રેસ્ટોરેન્ટ ડિઝાઈન કર્યો હતો. આ રેસ્ટોરેન્ટમાં બોલીવુડની સેલિબ્રિટિઝ સિવાય મોટા બિઝનેસમેન પણ જાય છે. હાલમાં ગૌરી ખાનની પાસે આશરે 1600 કરોડ રૂપિયાની સંપત્તિ છે.
વિદેશોમાં પ્રોપર્ટી
ગૌરી અને શાહરૂખ ખાનને ડેવલોપર નિખિલે એક સુંદર વિલા ગિફ્ટ કર્યો છે. દુબઈનાં પામ જુમેરાહમાં 7000 વર્ગ ફુટમાં ફેલાયેલી આ પ્રોપર્ટીની કિંમત 24 કરોડ છે. તો મુંબઈનાં અલીબાગમાં 15 કરોડ રૂપિયાનો હોલિડે હોમ અને લૉસ એંજિલ્સમાં એક હવેલી પણ છે. લંડનમાં શાહરૂખ અને ગૌરી પાસે એક શાનદાર ઘર પણ છે.
ગૌરી પાસે 2.5 કરોડની કાર
ગૌરી અને શાહરૂખની પાસે અનેક શાનદાર સ્પોર્ટસ્ કાર છે. ગૌરીની પાસે એક બેંટલે કોન્ટિનેંટલ GT કાર છે જેની કિંમત 2.5 કરોડ છે. ગૌરી ખાન મુંબઈમાં એક શાનાર લક્ઝરી લાઈફ જીવે છે.
