અંતરની વ્યથા / 'આપણને આપણા જ નડે છે, પરંતુ ઓળખી ન શક્યાનો અફસોસ', ભાજપના સ્નેહ મિલનમાં પૂર્વ કેબિનેટ મંત્રી નરેશ પટેલે ઠાલવ્યો બળાપો

Navsari News: 'આટલાં વર્ષોના અનુભવ પછી ખ્યાલ આવ્યો કે આપણને આપણા જ નડે છે, કોંગ્રેસ નહીં', પૂર્વ કેબિનેટ મંત્રી નરેશ પટેલનું છલકાયું દર્દ

(નવસારીમાં ભાજપના સ્નેહ મિલનના કાર્યક્રમ દરમિયાન પૂર્વ કેબિનેટ મંત્રી નરેશ પટેલે સ્ટેજ પર ઠાલવ્યો બળાપો.)#gujaratnews #navsarinews… pic.twitter.com/7qco2KwoRt

— VTV Gujarati News and Beyond (@VtvGujarati) December 9, 2023

• નવસારીમાં પૂર્વ કેબિનેટ મંત્રી નરેશ પટેલનું છલકાયું દુ:ખ
• વાસંદા બેઠક કબજે ન થતાં નરેશ પટેલે ઠાલવ્યો બળાપો 
• કોંગ્રેસનો કોઇ ડર નથી, આપણા જ આપણને નડે છે: નરેશ પટેલ 

નવસારીમાં પૂર્વ કેબિનેટ મંત્રી નરેશ પટેલનું દુ:ખ છલકાયું છે. વાસંદા બેઠક કબજે ન થતાં નરેશ પટેલે તેમનો બળાપો ઠાલવતા જણાવ્યું હતું કે, કોંગ્રેસનો કોઇ ડર નથી, આપણા જ આપણને નડે છે તેમણે સાંસદ અને રાજ્ય નાણાં મંત્રી કનુ દેસાઇની ઉપસ્થિતીમાં બળાપો કાઢ્યો હતો. 

નરેશ પટેલના નિવેદનથી રાજકારણ ગરમાયું
ભાજપના સ્નેહ મિલન દરમિયાન આપેલા નિવેદનને લઇ પ્રદેશમાં ચર્ચાએ જોર પકડ્યું છે. તેમણે કહ્યું કે, આપણને કોંગ્રેસનો ડર નથી પરંતુ આપણને આપણા જ નડે છે. વધુમાં કહ્યું કે, હું તો પહેલા પણ કહેતો હતો કે,આપણને આપણા જ નડે છે તેનો અફસોસ છે. 

લોકસભાની તૈયારી
અત્રે જણાવીએ કે, લોકસભાની ચૂંટણી પહેલા ભાજપ અને કોંગ્રેસના અંદરો અંદરના ખટરાગના કિસ્સાઓ સામે આવી રહ્યાં છે. ગુજરાતમાં કોંગ્રેસે પણ લોકસભાની ચૂંટણીને લઈ તૈયારી આરંભી દીધી છે. લોકસભાની ચૂંટણી પહેલા કોંગ્રેસની કવાયત તેજ થઈ  છે. કોંગ્રેસે ચૂંટણી સમિતિની રચના કરી છે. જેમાં પ્રદેશ અધ્યક્ષ શક્તિસિંહ ગોહિલનો સમિતિમાં સમાવેશ તેમજ અમિત ચાવડા, ભરતસિંહ સોલંકીનો પણ સમિતિમાં સમાવેશ કરાયો છે. વધુમાં જગદીશ ઠાકોર, સિદ્ધાર્થ પટેલ, અમી યાગ્નિક, નારણ રાઠવા, દીપક બાબરિયા પણ સામેલ છે.