કામની વાત / થોડી જ મિનિટોમાં ચમકી જશે તમારૂ કિચન, ક્લિનિંગ માટે અપનાવો આ સરળ હેક્સ

ઘણા લોકો કહે છે કે રસોઈ બનાવવી સહેલી છે, પણ રસોડું સાફ કરવું એ સૌથી અઘરું કામ છે. અમુક અંશે આ વાત સાચી પણ છે કારણ કે રસોઈ વખતે દેખાતા ડાઘને દૂર કરવામાં પસીનો છુટ્ટી જાય છે. ટાઇલ્સ પર તેલ અને મસાલાના છાંટા જોઈને સફાઈ કરવામાં સૌથી વધુ આળસ આવે છે. જો તમે પણ આ સમસ્યાનો સામનો કરો છો તો અમે તમારું કામ સરળ બનાવવા જઈ રહ્યા છીએ. રસોડાને સાફ કરવા માટે કેટલીક ટ્રિક્સ છે જેને અજમાવ્યા બાદ તેનું પરિણામો જોયા પછી તમે તેને ક્યારેય ભૂલી શકશો નહીં, તો ચાલો આ વિશે જાણીએ. 

રસોડાના સ્લેબને સાફ કરવાની રીત
રસોડાના સ્લેબને સાફ કરવું એ બિલકુલ મામૂલી કામ નથી. કારણ કે વિવિધ પ્રકારની રસોઈ કરવામાં તે ખૂબ જ ગંદુ થઈ જાય છે. જોકે, માત્ર એક રૂપિયાના શેમ્પૂથી તમે તેને સાફ કરી શકો છો. આ માટે તમારે કોટનના કપડામાં શેમ્પૂ ઉમેરીને તેને હળવા હાથે ભીનું કરવું પડશે. હવે તેને આખા સ્લેબ પર ઘસો. શાક હોય, મસાલા હોય કે તેલના ડાઘા હોય, બધું જ મિનિટોમાં સાફ થઈ જશે.

ટાઇલ્સ સાફ કરવાનો વિચાર
રસોડામાં ગંદી ટાઇલ્સ છેને સાફ કરવી મુશ્કેલ છે. પરંતુ બેકિંગ સોડા અને વિનેગરની મદદથી કામ સરળ બની શકે છે. આ બંને વસ્તુઓને સ્પ્રે બોટલમાં નાખીને બરાબર મિક્ષ કરી લો. પછી આ પ્રવાહીને ટાઇલ્સ પર છાંટો અને થોડા સમય પછી તેને કાપડ અથવા બ્રશની મદદથી સાફ કરો.

આ રીતે સિંક સાફ કરો
તમે રસોડાના સિંકને સાફ કરવા માટે ડિટર્જન્ટ અને સફેદ સરકોનો ઉપયોગ કરી શકો છો. આ માટે એક બોટલમાં ડીટરજન્ટ અને નવશેકું પાણી નાખીને મિક્સ કરો. ત્યારપછી તેમાં વિનેગર નાખીને તેને સિંકમાં મુકો અને થોડી વાર રહેવા દો, હવે તેને બ્રશની મદદથી રગડો અને પછી પાણીથી ધોઈ લો.

કાચના વાસણને આ રીતે ચમકાવો
કાચના વાસણો અથવા તેમાંથી બનાવેલ કોઈપણ વસ્તુને સાફ કરવા માટે કપડાંનો ઉપયોગ કરશો નહીં. તેના બદલે, કાગળ, જૂના અખબાર અથવા સ્પોન્જથી સાફ કરો. સફાઈ માટે, એક બોટલમાં સમાન પ્રમાણમાં પાણી અને વિનેગર મિક્સ કરો. પછી કાચના વાસણો અથવા વસ્તુઓ પર સ્પ્રે કરો. 3-4 મિનિટ પછી તેને સાફ કરો.

વધુ વાંચો: જો તમને હાઈપરટેન્શનની સમસ્યા હોય, તો આ 5 વસ્તુ ખાવાની છોડી દેજો

જો કાટ લાગે છે, તો તેને આ રીતે દૂર કરો
કેટલીકવાર રસોડાના કેટલાક ભાગોમાં કાટ લાગી જાય છે, આવી સ્થિતિમાં તમે તેને બેકિંગ સોડાથી સાફ કરી શકો છો. તમારે ફક્ત બેકિંગ સોડામાં લીંબુ મિક્સ કરીને કાટવાળી જગ્યા પર લગાવવાનું છે. પછી થોડા સમય પછી તેને બ્રશ અથવા કપડાની મદદથી ઘસો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો