હેરતઅંગેજ ઘટના / ચોંકાવનારો VIDEO: ચાલુ મેચમાં અચાનક વાવાઝોડામાં ફસાયો ખેલાડી, અમ્પાયરે આ રીતે બચાવ્યો જીવ

• ફ્લોરિડામાં ધૂળના તોફાનમાં ફસાઈ 7 વર્ષની છોકરી
• આ તોફાનમાંથી છોકરીને 17 વર્ષના યુવકે બચાવી 
• ઘટનાનો વીડિયો સોશિયલ મીડિયા પર વાયરલ થયો 

રમતના મેદાનમાં ઘણી વખત આવા પ્રસંગો આવે છે, જ્યારે ખેલાડીઓની સાથે દર્શકો પણ આશ્ચર્યચકિત થઈ જાય છે. પછી મેદાન ક્રિકેટનું હોય કે બેઝબોલનું. તાજેતરમાં બેઝબોલ રમત દરમિયાન આવી જ એક ઘટના બની જેણે લોકો આશ્ચર્યચકિત કરી દીધા. તેનો વીડિયો સોશિયલ મીડિયા પર વાયરલ થઈ રહ્યો છે. વીડિયો જોયા બાદ લોકો અમ્પાયરના વખાણ કરી રહ્યા છે.  ફ્લોરિડામાં ધૂળના તોફાનમાં ફસાયેલી 7 વર્ષની છોકરીને 17 વર્ષના યુવકે બચાવી હતી. આ ઘટનાનો વીડિયો સોશિયલ મીડિયા પર વાયરલ થયો છે. લોકો યુવાનોના વખાણ કરી રહ્યા છે. આ ઘટના રવિવારે ફ્લોરિડામાં બેઝબોલ ગ્રાઉન્ડમાં બની હતી. 

SCARY MOMENT 🌪⚾ A dust devil spun up directly over home plate during a Florida youth baseball game, leaving a 7-year-old boy caught up in the whirlwind. STORY: https://t.co/V8NmKk4wRl pic.twitter.com/pZaZV3Fdum

— WFLA NEWS (@WFLA) May 16, 2023

ટોર્નેડોનો વાયરલ વીડિયો

આ ઘટનાનો વીડિયો સોશિયલ મીડિયા પર સામે આવ્યો છે. નાના બાળકોની બેઝબોલ મેચ કેવી રીતે ચાલી રહી છે તે જોઈ શકાય છે. એક ટોર્નેડો મેદાનમાં આવે છે. ટોર્નેડો જોઈને બેટ પકડેલો છોકરો સ્થળ પરથી ખસી જાય છે, પરંતુ પાછળ રહેલો બાળક તેની પકડમાં આવી જાય છે. જો કે ત્યારે જ અમ્પાયર એક્શનમાં આવે છે અને તેને ખોળામાં ઊંચકીને ટોર્નેડોથી અલગ કરે છે. આ દરમિયાન, પવનના ઝાપટાથી અમ્પાયરની ટોપી ઉડી જાય છે. થોડીવારમાં પરિસ્થિતિ સામાન્ય થઈ જાય છે અને બેઝબોલની રમત ફરી શરૂ થાય છે. આ મેચ જેક્સનવિલેના ફોર્ટ કેરોલિન એથ્લેટિક એસોસિએશન બેઝબોલ મેદાનમાં રમાઈ હતી. 

છોકરીની ઓળખ ઝોયા તરીકે થઈ 

એક સ્થાનિક ન્યૂઝ એજન્સી અનુસાર ફ્લોરિડાના જેક્સનવિલેમાં ફોર્ટ કેરોલિન એથ્લેટિક્સ એસોસિએશન બેઝબોલ ગ્રાઉન્ડમાં કેટલાક લોકો બેઝબોલ રમી રહ્યા હતા. ત્યારે અચનાક 7 વર્ષની બાળકી ધૂળના તોફાનમાં ફસાઈ ગઈ. છોકરીની ઓળખ ઝોયા તરીકે થઈ છે. ઝોયાને ફસાયેલી જોઈને 17 વર્ષીય અમ્પાયર એડન વિલ્સે ઝડપથી છોકરીને પોતાની પાસેથી ખેંચી લીધી. જેના કારણે યુવતીનો જીવ બચી ગયો હતો. જેનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં સાંભળી શકાય છે કે કેટલાક લોકો કહી રહ્યા છે કે તમે તેનો જીવ બચાવ્યો.