- પશ્ચિમ બંગાળની જેલોમાંથી ચોંકાવનારા સમાચાર
- મહિલાઓ થઈ રહી છે ગર્ભવતી
- 96 બાળકો પેદા થયા
- પ.બંગાળના ચીફ જસ્ટીસ પાસે પહોંચી ફરીયાદ
પશ્ચિમ બંગાળની જેલોમાંથી ચોંકાવનારા સમાચાર આવ્યા છે. બંગાળની જેલોમાં બંધ મહિલા કેદીઓ ગર્ભવતી થઈ રહી છે. "જેલમાં રહીને મહિલા કેદીઓ ગર્ભવતી થઈ રહી છે. ન્યાય મિત્રે કલકત્તા હાઈકોર્ટેને સોંપેલા રિપોર્ટમાં આ ચિંતાજનક સમાચાર આપ્યાં છે. ચીફ જસ્ટિસ ટી.એસ.શિવજ્ઞાનમ અને ન્યાયાધીશ સુપ્રતીમ ભટ્ટાચાર્યની ડિવિઝન બેંચ સમક્ષ આ મામલે બે નોટો મૂકી હતી. ન્યાય મિત્રે ચીફ જસ્ટીસને કહ્યું કે મિલોર્ડ, તમને જાણીને નવાઈ લાગશે કે મહિલા કેદીઓ કસ્ટડીમાં હોય ત્યારે ગર્ભવતી થઈ રહી છે." આ પછી જેલોમાં પણ બાળકોનો જન્મ થઇ રહ્યો છે. હાલમાં પશ્ચિમ બંગાળની વિવિધ જેલોમાં 196 બાળકો બંધ છે. આ સાથે એમિકસ ક્યુરીએ ચીફ જસ્ટિસની અધ્યક્ષતાવાળી બેન્ચને વિનંતી કરી હતી કે, મહિલા કેદીઓના એન્ક્લોઝર્સની અંદર સુધાર ગૃહોમાં તૈનાત પુરુષ કર્મચારીઓના પ્રવેશ પર તાત્કાલિક અસરથી પ્રતિબંધ મૂકવો જોઈએ. તાજેતરમાં મેં સુધારણા ગૃહોના ઇન્સ્પેક્ટર જનરલ (વિશેષ) અને જિલ્લા કાનૂની સેવા સત્તામંડળના સચિવ સાથે એક મહિલા સુધારણા ગૃહની મુલાકાત લીધી હતી. ત્યાં મેં જોયું કે એક સગર્ભા સ્ત્રી અને ઓછામાં ઓછી 15 અન્ય મહિલા કેદીઓ તેમના બાળકો સાથે રહેતી હતી. તે બાળકો જેલમાં જન્મ્યા હતા.
ચીફ જસ્ટીસે બીજી બેંચને સોંપ્યો મામલો
ચીફ જસ્ટીસ ટી.એસ. શિવજ્ઞાનમ અને જસ્ટીસ ભટ્ટાચાર્યની ડિવિઝન બેંચે આ મામલો બીજી બેંચને સોંપ્યો હતો. જ્યારે એમિકસ ક્યુરી હોલ-એ-જેલનું વર્ણન કરી રહ્યો હતો, ત્યારે સરકારી વકીલ પણ ત્યાં હાજર હતા. નોંધને રેકોર્ડ પર લેતા ખંડપીઠે જણાવ્યું હતું કે, "એમિકસ ક્યુરી દ્વારા સંદર્ભિત કેસ એક ગંભીર મુદ્દા તરફ ઇશારો કરે છે. જેલમાં રહીને મહિલા કેદીઓ ગર્ભવતી થઈ રહી છે અને હાલમાં પશ્ચિમ બંગાળની અલગ અલગ જેલમાં 196 બાળકો રહે છે.
કયા બાળકો મહિલાઓ સાથે રહી શકે
છ વર્ષથી ઓછી ઉંમરના બાળકવાળી મહિલાની ધરપકડ કરવામાં આવે તો બાળકને માતા સાથે જેલમાં રહેવાની મંજૂરી આપવામાં આવે છે. તેમણે કહ્યું, "છ વર્ષથી ઓછી ઉંમરના બાળકોને જેલમાં તેમની માતા સાથે રહેવાની મંજૂરી છે, પરંતુ જેલમાં મહિલાઓ ગર્ભવતી થાય છે તે વિશે મને કોઈ માહિતી નથી." આ અસંભવિત છે. જો તે મારા ધ્યાનમાં આવશે, તો હું ચોક્કસપણે તેની તપાસ કરીશ. સૂત્રોએ જણાવ્યું હતું કે 1 જાન્યુઆરી, 2024 સુધીમાં, પશ્ચિમ બંગાળની 60 જેલોમાં લગભગ 26000 કેદીઓ રહેતા હતા. આ કેદીઓમાં લગભગ 8% થી 10% મહિલાઓ છે. જાન્યુઆરી સુધીમાં, રાજ્યની જેલોમાં ઓછામાં ઓછી 1,265 અંડરટ્રાયલ મહિલા કેદીઓ અને 448 દોષિતો બંધ હતા. ૧૭૪ જેટલી મહિલા કેદીઓ આજીવન કેદની સજા કાપી રહી છે. સોમવારે હાઈકોર્ટ આ મામલે સુનાવણી કરે તેવી શક્યતા છે.
