5 ફોટો ગેલેરી

કામની વાત / EPFOની ચેતવણી! એક ફેક લિંકથી ખાલી થઈ શકે તમારી આખી માહિતી, બચવા શું કરશો ?

Last Updated: 03:49 PM, 10 August 2026

FOLLOW ON

શેર કરો

EPFOએ નકલી વેબસાઇટ્સ, લિંક્સ, મેસેજ અને ઈમેઈલ અંગે સાવચેત રહેવાની સલાહ આપી છે. શંકાસ્પદ વેબસાઇટ્સ પર તમારા UANથી લઈને OTP સુધીની કોઈપણ સંવેદનશીલ માહિતી શેર કરશો નહીં.

1/5

1. ઓનલાઇન છેતરપિંડીથી બચી શકો છો

EPFOએ તેના સભ્યોને નકલી લિંક્સ અને વેબસાઇટ્સને લઇ સાવધાન કર્યા છે. 9 ઓગસ્ટના રોજ, સંસ્થાએ સોશિયલ મીડિયા દ્વારા લોકોને અપીલ કરી હતી કે કોઈપણ લિંક પર ક્લિક કરતા પહેલા તેની ચકાસણી કરી લેવી. છેતરપિંડી કરનારાઓ UAN, આધાર, PAN, બેંક વિગતો અને OTP જેવી સંવેદનશીલ માહિતી મેળવવા માટે સત્તાવાર વેબસાઇટ જેવી જ દેખાતી નકલી વેબસાઇટ્સ બનાવી શકે છે. તેથી, PF સંબંધિત ઓનલાઇન સેવાઓનો ઉપયોગ કરતી વખતે થોડી સાવચેતી રાખવાથી તમે ઓનલાઇન છેતરપિંડીથી બચી શકો છો.

આ તસવીર શેર કરો

2/5

2. ફર્ઝી લિંકથી હોય છે ખતરો

EPFOના જણાવ્યા અનુસાર, છેતરપિંડી કરનારાઓ એવી નકલી વેબસાઇટ્સ અને લિંક્સ બનાવી શકે છે જે ઓફિશિયલ વેબસાઇટ્સ જેવી જ દેખાતી હોય. તેનો ઉપયોગ લોકોને ગેરમાર્ગે દોરવા અને તેમની વ્યક્તિગત કે ખાતાને લગતી માહિતી મેળવવા માટે થઈ શકે છે. SMS, ઈમેલ અથવા સોશિયલ મીડિયા દ્વારા મળતી એવી લિંક્સ બાબતે વિશેષ સાવચેતી રાખવી જોઈએ જે વ્યક્તિગત વિગતો, ATM પિન અથવા OTP માંગતી હોય. કોઈપણ લિંક પર ક્લિક કરતા પહેલા અથવા માહિતી દાખલ કરતા પહેલા વેબસાઇટનું સરનામું અને તેની ચકાસણી કરવી જરુરી છે.

આ તસવીર શેર કરો

3/5

3. યૂએએનથી ઓટીપી સુધી રાખો સુરક્ષિત

EPFOએ સભ્યોને સલાહ આપી છે કે, તેઓ ઓફિશિયલ વેબસાઇટ સિવાય અન્ય કોઈ પણ વેબસાઇટ પર તેમનો UAN, PPO, પાસવર્ડ, આધાર, PAN, બેંક વિગતો અથવા OTP શેર ન કરે. લોગ-ઇન કરતા પહેલા URLને ધ્યાનપૂર્વક તપાસો અને તેમાં કોઈ અજીબ સ્પેલિંગ કે વિચિત્ર ડોમેન નામ છે કે કેમ તે જુઓ. અજાણ્યા મેસેજ, ઈમેઈલ કે સોશિયલ મીડિયા પર મળતી લિંક્સ દ્વારા PF-સંબંધિત સેવાઓ મેળવવાને બદલે, માહિતી મેળવવા માટે સીધા જ ઓફિશિયલ EPFO વેબસાઇટની મુલાકાત લેવી વધુ સુરક્ષિત છે.

આ તસવીર શેર કરો

4/5

4. ઇપીએફઓ ક્યારેય નથી માંગતા આ જાણકારી

EPFO એ સ્પષ્ટપણે જણાવ્યું છે કે, તે ફોન કોલ, SMS, WhatsApp, સોશિયલ મીડિયા અથવા ઈમેલ દ્વારા સભ્યો પાસે OTP, વ્યક્તિગત માહિતી કે લોગિન વિગતો માંગતું નથી. તેથી, જો કોઈ મેસેજ કે કોલમાં આવી માહિતી માંગવામાં આવે તો સાવચેતી રાખવી જોઈએ. શંકાસ્પદ વેબસાઇટ્સ, મેસેજ અથવા ફિશિંગના પ્રયાસો વિશે EPFO ની અધિકૃત હેલ્પલાઇન અથવા સાયબર સુરક્ષા રિપોર્ટિંગ ચેનલો દ્વારા જાણ કરી શકાય છે. કોઈપણ સંવેદનશીલ માહિતી શેર કરતા પહેલા તેના સ્ત્રોતની ચકાસણી કરવી જરુરી છે.

આ તસવીર શેર કરો

5/5

5. ઓનલાઇન પીએફ સર્વિસ લેતી વખતે રાખો ધ્યાન

હવે PF-સંબંધિત સેવાઓનો લાભ ઓનલાઇન લેવામાં આવતો હોવાથી, EPFOએ વ્યક્તિગત માહિતીની સુરક્ષાના મહત્વ પર ભાર મૂક્યો છે. સભ્યોને સલાહ આપવામાં આવે છે કે તેઓ અજાણ્યા મેસેજ કે ઈમેઈલમાં મળતી લિંક્સ પર આધાર રાખવાને બદલે, અધિકૃતતાની ચકાસણી કર્યા પછી સીધા જ EPFOની ઓફિશિયલ વેબસાઇટની મુલાકાત લો. URL તપાસવા, શંકાસ્પદ લિંક્સથી દૂર રહેવું અને વ્યક્તિગત માહિતી સુરક્ષિત રાખવી આ બાબતો ઓનલાઇન ફ્રોડનું જોખમ ઘટાડવામાં મદદરૂપ થઈ શકે છે.

આ તસવીર શેર કરો

સંકળાયેલા મુદ્દાઓ

EPFO Warning Fake Links Protect UAN Aadhaar PAN and Bank Details