પ્રતિબંધ / ઇસ્કોન બ્રિજ અકસ્માતની ગુંજ ગુજરાત યુનિવર્સિટીમાં, લઈ લીધો મોટો નિર્ણય, હવે કામ વગર ફરકવું મુશ્કેલ

• ઇસ્કોન બ્રિજ અકસ્માત બાદ ગુજરાત યુનિવર્સિટીએ લીધો નિર્ણય
• ગુજરાત યુનિવર્સિટીમાં કામ વગરના લોકો અને વાહન પ્રવેશ પર લાગશે પાબંદી
• થોડા સમય પહેલા ગાડીઓના કાફલા સાથે રિલ્સ થઈ હતી વાયરલ 

ઇસ્કોન બ્રિજ અકસ્માતે દેશ આખાને ધ્રુજાવી દીધો છે. અકસ્માતની આ આંચકા જનક ઘટના પોલીસ નબીરાઓ સામે આકરી કાર્યવાહી કરી રહી છે. આવી સ્થિતિ વચ્ચે ગુજરાત યુનિવર્સિટીએ પણ મહત્વનો નિર્ણય લીધો છે. જેના ભાગરૂપે ગુજરાત યુનિવર્સિટીમાં કામ વગર પ્રવેશ પર પ્રતિબંધ ફરમાવી દેવામા આવશે. મહત્વનું છે કે થોડા દિવસ અગાઉ ગાડીઓના કાફલા સાથે નબીરાઓની રિલ્સ વાયરલ થઈ હતી. ત્યારબાદ યુનિવર્સિટીના સત્તાવાળાઓ હરકતમાં આવ્યા છે. અને આ નિર્ણય કર્યો છે.

ઇસ્કોન બ્રિજ અકસામત બાદ ગુજરાત યુનિવર્સિટીએ લીધો નિર્ણય
જેના ભગરૂપે હવે કામ વગર પ્રવેશતા લોકો અને વાહનોના પર પાબંદી લાગી જશે. એટલું જ નહીં યુનિવર્સિટીમાં પ્રવેશ માટે ઓળખ પત્ર પણ આપવામાં આવશે.વિદ્યાર્થીઓ, પ્રોફેસર અને અન્ય સ્ટાફને ઓળખપત્ર (સ્ટીકર) આપી દેવાશે. જેથી અન્ય વ્યક્તિઓ આવતા આટકે! આ પાસ બહારની વ્યક્તિને ગેસ્ટ પાસ અને કારણ જાણી પછી જ પ્રવેશ આપવામાં આવશે. વધુમાં હવેથી માત્ર યુનિવર્સિટીના માત્ર બે ગેટ જ ખુલ્લા રાખવામાં આવશે.

ગુજરાત યુનિવર્સિટીમાં કામ વગર પ્રવેશ પર લાગશે પ્રતિબંધ

નોંધનીય છે કે શિક્ષણના ધામમાં નબીરાના આટાફેરાને લઈને વિદ્યાર્થીઓ તથા વિદ્યાર્થીનીઓને સૌથી વધુ મુશ્કેલી પડતી હતી ત્યારે આ મામલે હવે સત્તાવાળાઓ આકરા પાણીએ થયા છે. ખાસ વાત એ છે કે આ પ્રકારનો નિર્ણય ઐતિહાસિક નિર્ણય ગણવામાં આવી રહ્યો છે અને ઇતિહાસમાં ક્યારેય આવો નિર્ણય લેવામાં આવ્યો ન હતો. તાજેતરમાં જ થયેલ ઇસ્કોન બ્રિજ અકસ્માતને પગલે એક બાજુ રાજ્ય આખું હચમચી ગયું છે જ્યારે બીજી બાજુ નબીરાઓ જાણે સુધારવાનું નામ જ ન લેતા હોય તેમ યુનિવર્સિટીને રેસનું મેદાન ગણીને મોંઘીદાટ ગાડીઓ ફેરવતા હોવાની રિલ્સ વાયરલ થઈ હતી. જે મામલે યુનિવર્સિટીના કુલપતિ નીરજા ગુપ્તાના ધ્યાને આવતા તેઓએ તાત્કાલિક વિભાગના વડા સાથે બેઠક કરીને આ નિર્ણય મામલે ચર્ચા કરી હતી.