તપાસ / ડ્રાય સ્ટેટ? વડોદરામાં વિદેશી દારૂનું ગોડાઉન ઝડપાયું, બિશ્નોઈ ગેંગ સાથે ખૂલ્યું કનેક્શન, 2ની ધરપકડ

• વડોદરામાં ફાજલપુર ગામે વિદેશી દારૂનું ગોડાઉન ઝડપાયું 
• શ્રી હરિકૃપા સર્વિસ સેન્ટર નામના ગોડાઉનમાંથી દારૂ ઝડપાયો
• બિશ્નોઈ ગેંગનું ગોડાઉન હોવાનું પોલીસ તપાસમાં આવ્યું સામે

 વડોદરા પોલીસને મળેલ બાતમીના આધારે પોલીસે ફાજલપુર ગામે રેડ કરીને દારૂનું ગોડાઉન ઝડપી પાડ્યું છે. બુટલેગરો શ્રી હરિકૃપા સર્વિસ સેન્ટરના નામથી ગોડાઉન બનાવ્યું હતું. જેથી કોઈ પણ વ્યક્તિને શંકા ન જાય કે અહીંયા દારૂનો વેપલો ચાલી રહ્યો છે. ત્યારે પોલીસે દારૂના મુદ્દામાલ સહિત 2 આરોપીઓની ધરપકડ કરી છે. જ્યારે 8 આરોપીઓને વોન્ટેડ જાહેર કર્યા છે. પોલીસે દારૂ ક્યાંથી આવ્યો અને કોણે મંગાવ્યો તે તરફ તપાસના ચક્રોગતિમાન કર્યા છે.

8 આરોપીઓને વોન્ટેડ જાહેર કર્યો
વડોદરાના ફાજલપુર ગામે પોલીસે રેડ કરીને રૂપિયા 13 લાખના દારૂ સહિત કુલ 25 લાખનો મુદ્દામાલ ઝડપી પાડ્યો હતો. છેલ્લા કેટલાય સમયથી આરોપીઓ શ્રી હરિકૃપા સર્વિસ સેન્ટરના નામથી ગોડાઉનમાં દારૂનો વેપલો ચલાવતા હતા. ત્યારે પોલીસે 2 આરોપીઓને ઝડપી પાડ્યા છે. જ્યારે 8 આરોપીઓને વોન્ટેડ જાહેર કર્યા છે. પોલીસે ગુનો નોંધી તપાસના ચક્રોગતિમાન કર્યા છે.

દારૂ બિશ્નોઈ ગેંગનો હોવાનું પોલીસ તપાસમાં બહાર આવ્યું
ચૂંટણી પૂર્ણ થતા જ બુટલેગરો ફરી સક્રિય બની ગયા છે. ત્યારે વડોદરાનાં ફાજલપુર ગામે છેલ્લા ઘણા સમયથી દારૂનો વેપલો ચાલતો હોવાની બાતમી પોલીસને મળતા પોલીસે આજે ગોડાઉન પર રેડી કરી દારૂ સહિત કુલ 25 લાખનો મુદ્દામાલ ઝડપી પાડ્યો છે. પોલીસ દ્વારા દારૂ મામલે 2 આરોપીઓની ગોડાઉનમાંથી ધરપકડ કરી છે. જ્યારે 8 આરોપીઓને વોન્ટેડ જાહેર કરવામાં આવ્યા છે. પોલીસે દારૂ બાબતે તપાસ હાથ ધરતા દારૂ બિશ્નોઈ ગેંગનો હોવાનું પોલીસ તપાસમાં બહાર આવવા પામ્યું છે.