ઈકોનોમી / મોદી સરકાર માટે ડબલ ખુશખબર, ઓક્ટોબરમાં છૂટક અને જથ્થાબંધ મોંઘવારીમાં મોટો ઘટાડો

• મોંઘવારીના મોરચે મોદી સરકારને રાહત
• ઓક્ટોબરમાં બન્ને મોંઘવારીમાં થયો ઘટાડો
• છૂટક મોંઘવારી ઘટીને થઈ 6.77 ટકા
• જથ્થાબંધ મોંઘવારી ઘટીને થઈ 8.39 ટકા 

મોંઘવારીના મોરચે ઓક્ટોબર મહિનો સારો રહ્યો છે કારણ કે બન્ને મોંઘવારી આ મહિનામાં ઘટી છે. કેન્દ્રીય વાણિજ્ય મંત્રાલય દ્વારા જારી કરવામાં આવેલા આંકડા અનુસાર, છૂટક મોંઘવારી સપ્ટેમ્બર 2022માં 7.41% હતી જે ઓક્ટોબરમાં ઘટીને 6.77 % થઈ હતી. 

Retail inflation dips to 6.77 pc in October from 7.41 pc in September: Govt data

— Press Trust of India (@PTI_News) November 14, 2022

ખાદ્ય ચીજોના ઓછા ભાવને કારણે છૂટક મોંઘવારી ઘટી 
છૂટક મોંઘવારીમાં ઘટાડો મુખ્યત્વે ખાદ્ય ચીજોના નીચા ભાવને કારણે થયો હતો.આંકડા અને કાર્યક્રમ અમલીકરણ મંત્રાલયે ઓક્ટોબર 2022 માટે સ્થાનિક કન્ઝ્યુમર પ્રાઇસ ઇન્ડેક્સ (સીપીઆઇ) આધારિત ફુગાવાના આંકડા સોમવારે 14 નવેમ્બર, 2022ના રોજ જાહેર કર્યા હતા.

જથ્થાબંધ મોંઘવારીમાં પણ ઘટાડો 

હોલસેલ મોંઘવારી (WPI)માં ઓક્ટોબર મહિનામાં ઘટાડો થયો છે. વાણિજ્ય અને ઉદ્યોગ મંત્રાલયના આંકડા અનુસાર, જથ્થાબંધ ફુગાવો ઓક્ટોબરમાં ઘટીને 8.39 ટકા થયો હતો, જે સપ્ટેમ્બરમાં 10.70 ટકા હતો. લાંબા સમય બાદ જથ્થાબંધ મોંઘવારી ડબલમાંથી સિંગલ ડિજિટમાં આવી છે. સરકારી આંકડા મુજબ માર્ચ 2021 બાદ પ્રથમ વખત જથ્થાબંધ મોંઘવારી બે આંકડાથી નીચે આવી ગઈ છે. સતત 18 મહિના સુધી જથ્થાબંધ મોંઘવારી બે આંકડામાં જોવા મળી હતી. મશીનરી અને સાધનો, કાપડ, મૂળભૂત ધાતુ અને ખનિજ તેલ અને અન્ય ચીજવસ્તુઓના ભાવમાં ઘટાડો થવાને કારણે ઓક્ટોબર મહિનામાં જથ્થાબંધ ફુગાવો ઘટ્યો છે. 

Inflation falls to single digits; the Annual rate of inflation based on all India Wholesale Price Index (WPI) number is 8.39% for the month of October 2022 as against 10.70% recorded in September 2022: Ministry of Commerce & Industry

— ANI (@ANI) November 14, 2022

મોદી સરકાર માટે રાહત
છૂટક અને જથ્થાબંધ મોંઘવારીમાં મોટો ઘટાડો આવતા મોદી સરકારને પણ રાહત મળી છે અને ઈકોનોમી ટ્રેક પર આવી રહી છે. જોકે આંકડા તો બદલાયા કરે છે. આવતા મહિને પાછો વધારો કે ઘટાડો આવી શકે છે. છૂટક અને જથ્થાબંધ મોંઘવારીના આંકડામાં દર મહિને વધારો કે ઘટાડો થતો રહે છે. 

ઓક્ટોબરમાં કેટલી ઘટી મોંઘવારી

• છૂટક મોંઘવારી સપ્ટેમ્બરમાં 7.41 ટકા હતી જે ઓકટોબર 2022માં ઘટીને 6.77 % થઈ
• જથ્થાબંધ મોંઘવારી સપ્ટેમ્બરમાં 10.70 ટકા હતી જે ઓક્ટોબર 2022માં ઘટીને  8.39 ટકા % થઈ