હેલ્થ / શું તમે થાઇરોઇડથી પીડાવો છો? તો જરા સાવધાન રહેજો, નહીં તો આ બીમારીઓ ઘર કરી જશે

• તમામ પ્રકારનાં શાકભાજીનું સેવન કરી શકો
• રાજમા અને કઠોળનું સેવન વધુ કરો 
• દારૂ, કોફી, ગ્રીન ટી અને ઠંડાપીનાનું સેવન બિલકુલ ન કરો 

સાયલન્ટ કિલર્સની યાદીમાં હાઈપરટેન્શન, હાઈ કોલેસ્ટ્રોલ, ડાયાબિટીસ, ફેટી લિવર, કેન્સર સહિત અન્ય એક રોગ છે. જે તમારા સ્વાસ્થ્યને ઘણી રીતે અસર કરી શકે છે અને તે છે થાઈરોઈડ. આ રોગથી પીડિત લોકોને લાંબા સમય સુધી તેની ખબર હોતી નથી. જેના કારણે યોગ્ય સમયે યોગ્ય સારવાર ન મળે તો સ્થિતિ વધુ ગંભીર થઇ શકે છે. થાઇરોઇડ એક ખૂબ જ નાની ગ્રંથિ છે, પરંતુ આપણા શરીરના ઘણા મહત્વપૂર્ણ કાર્યોમાં મહત્વપૂર્ણ ભૂમિકા ભજવે છે.

 વાંચવા જેવું: દરરોજ બ્રશ કર્યા પછી પણ મોઢામાંથી બદબૂ આવે તો શું કરવું? આ 5 ટિપ્સથી તાત્કાલિક મળશે છૂટકારો
થાઈરોઈડનાં પ્રકાર 
થાઈરોઈડ બે પ્રકારના હોય છે. જ્યારે થાઈરોઈડનાં હોર્મોન્સનું ઉત્પાદન વધારે થાય છે ત્યારે તેને હાઈપરથાઈરોઈડિઝમ કહેવામાં આવે છે. અને જ્યારે હોર્મોન્સનું ઉત્પાદન ઓછું થાય છે ત્યારે તેને હાઈપોથાઈરોઈડિઝમ કહેવામાં આવે છે.

થાઈરોઈડનાં દર્દીઓનો આહાર 
થાઈરોઈડથી શરીરમાં થતી તમામ સમસ્યાઓથી બચવું હોય તો આહાર પર વિશેષ ધ્યાન આપવાની જરૂર છે. માત્ર દવાના સેવનથી કઈ નહીં થાય. તમારે કસરત, ધ્યાન અને ઊંઘવાની આદત પર પણ ધ્યાન આપવું પડશે.  

• થાઈરોઈડની સમસ્યામાં તમે તમામ પ્રકારનાં શાકભાજીનું સેવન કરી શકો. ધ્યાન રાખો કે શાકભાજી યોગ્ય રીતે રાંધેલા હોય. 
• એક સાથે વધુ ન જમો. થોડું-થોડું કરીને ખાઓ. 
• રાજમા અને કઠોળનું સેવન વધુ કરો કારણ કે તેમાં સેલેનિયમ હોય છે. જે થાઇરોઇડ હોર્મોન્સનાં ઉત્પાદનમાં મહત્વપૂર્ણ છે.
• કોપર અને આયર્નથી ભરપૂર આહારનું સેવન કરો.  આ થાઈરોઈડમાં ખુબજ ફાયદાકારક હોય છે. 
• કેલ્શિયમ યુક્ત વસ્તુઓને તમારા આહારમાં સામેલ કરો. થાઈરોઈડનાં દર્દીઓ માટે દૂધ, દહીં, પનીર જેવી વસ્તુઓનું સેવન ફાયદાકારક છે. 

થાઈરોઈડ હોય તો આ વસ્તુઓનું સેવન ન કરવું જોઈએ
થાઈરોઈડનાં દર્દીઓએ દારૂ, કોફી, ગ્રીન ટી અને ઠંડાપીનાનું સેવન બિલકુલ ન કરવું જોઈએ. તેનાથી તમારું સ્વાસ્થ્ય ખરાબ થઈ શકે છે.