ખેડા / ફાગણી પૂનમને લઇને ડાકોરમાં વહેલી સવારથી ભક્તોનું ઘોડાપૂર, ભગવાન સોનાની પિચકારીથી રમશે હોળી

• આજે ફાગળી પૂનમે ડાકોરમાં માનવ મહેરામણ ઉમટ્યુ
• વહેલી સવારથી ડાકોરમાં શ્રદ્ધાળુઓ પહોચ્યા
• આજે ભગવાન ભક્તો સાથે હોળી રમશે

આજે ફાણણી પૂનમના રોજ ડાકોરમાં માનવ મહેરામણ ઉમટ્યું છે. વહેલી સવારથી ડાકોરમાં શ્રદ્ધાળુઓ પહોંચી રહ્યાં છે. આજે ભગવાન સાથે ભક્તો હોળી રમશે, ભગવાન સોનાની પીચકારીથી હોળી રમશે. 

 

ડાકોર પહેલા ભક્તો દિવસભર ભગવાન રણછોડ સાથે હોળી મનાવશે. મોટી સંખ્યામાં પદયાત્રીઓ ડાકોર પહોંચી રહ્યાં છે. ભકતો, સંઘો, ભજન મંડળીઓની ભજનની રમઝટ વચ્ચે પદયાત્રીઓ ડાકોર ઉમટી રહ્યાં છે. 

 

આમ જાણે ભક્તોના ગગનભેદી જયઘોષથી ડાકોર ગુંજી ઉઠ્યું છું. જો કે ડાકરના પદયાત્રીઓ-દર્શનાર્થીઓ માટે વિમા કવચ ઉતારવામાં આવ્યું છે. ડાકોર મંદિરે દર્શનાર્થીઓ માટે રૂપિયા 10 કરોડના વિમો ઉતારાવ્યો છે. ડાકોરનું રણછોડજીનું મંદિર રોશનીથી શણગારવામાં આવ્યું છે. 

 

ડાકોરમાં અલગ-અલગ થીમ પર મંદિરનું ડેકોરેશન કરવામાં આવ્યું છે. ડાકોરમાં પોલીસનો ચૂસ્ત બંદોબસ્ત ગોઠવવામાં આવ્યો છે. કોરોના વાયરસની દહેશતના પગલે પોલીસ જવાનો માસ્ક સાથે તૈનાત છે. 

ડાકોર મંદિરમાં આજે મોટી સંખ્યામાં NRI ભક્તો આજે સ્પેશિયલ ડાકોર પહોંચ્યાં છે. ઉત્સવમાં 15 લાખ ભક્તો ડાકોરમાં ઠાકોરજીના દર્શન કરશે. ભક્તો માટે લાડુનો પ્રસાદ તૈયાર કરવામાં આવ્યો છે.