રિવોર્ડ / સોનુ સૂદ માટે 2000 કિ.મી. સાયકલ ચલાવશે આ વ્યક્તિ, એક્ટરે કહ્યું સૌથી મોટુ સન્માન

• મહારાષ્ટ્રથી તમિળનાડુ સુધી ચલાવશે સાયકલ
• અગાઉ મહારાષ્ટ્રથી વાઘા બોર્ડર સુધીની સફર ખેડી હતી
• સોનુ સૂદને તેનાં કામોનું રિવોર્ડ આપવા ચલાવશે 2000 કિમી સાયકલ

સોનુ દરેક નાના મોટા કામમાં આગળ વધીને મદદ કરે છે
સોનુ સૂદે લોકડાઉન દરમિયાન ગરીબોને ખૂબ મદદ કરી હતી, ગરીબોનાં બાળકોને ચોપડીઓની ભેંટ આપી તો ઘણાં લોકોને પોતાના ઘરે જવામાં મદદ કરી. કામ નાનુ હોય કે મોટુ સોનુએ હંમેશા બધાને આગળ વધીને મદદ કરી છે. જેથી તેનાં કામથી પ્રેરાઈને એક વ્યક્તિએ સોનુ સૂદને ટ્રિબ્યૂટ આપવાનું નક્કી કર્યું છે.
7 દિવસમાં 2000 કિમીની સફર ખેડશે
સોનુ સૂદને ટ્રિબ્યૂટ આપવા માટે સાયકલિસ્ટ નારાયણ કિશનલાલ વ્યાસે જાહેર કર્યું છે કે તે 2,000 કિલોમીટરની જર્ની સાયકલ પર કાપશે. તે મહારાષ્ટ્રનાં વાશિમથી તમિળનાડુનાં રામસેતુ સુધી સાયકલ પર સફર કરશે. આ જર્ની તે 7 ફેબ્રુઆરીએ શરુ કરશે અને 14 ફેબ્રુઆરીએ તેની મંજિલ પર પહોંચશે. જે અંગે નારાયણે એક ઇન્ટરવ્યૂમાં જણાવ્યું છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Narayan Vyas (@vyas_nk)

સામાજિક કામો માટે સાયકલ પર ટ્રાવેલ કરે છે
નારાયણ છેલ્લા પાંચ વર્ષથી સાયકલિંગ કરીને ટ્રાવેલ કરે છે તે સામાજિક કામો માટે આ પ્રકારે ટ્રાવેલ કરે છે. છેલ્લે તેણે મહારાષ્ટ્રથી વાઘા બોર્ડર સુધીની સફર 9 દિવસોમાં પૂરી કરી હતી. હવે તે 2000 કિલોમીટરની સફર સાયકલ પર ખેડવા જઈ રહ્યો છે અને તે ફક્ત સોનુ સૂદ માટે છે.
આવુ મેં સપનામાં પણ નહોતુ વિચાર્યું
અગાઉ પણ સોનુને ઘણાં લોકોએ ટ્રિબ્યૂટ આપ્યું છે પણ આ એક જુદા પ્રકારનું ટ્રિબ્યૂટ છે અને તેનાં પર સોનુ સૂદે પણ રિયેક્શન આપ્યું છે. સોનુએ કહ્યું છે કે, મને રોજ નવા અંદાઝમાં રિવોર્ડ કરવામાં આવે છે, મેં આવુ સપનામાં પણ નહોતુ વિચાર્યું. હું લોકોની મદદ કરીને ફક્ત એજ કરું છું દરેક વ્યક્તિએ કરવું જોઈએ. નારાયણ મારા માટે 2000 કિલોમીટરનો સફર ખેડશે તે મારા માટે સૌથી મોટો રિવોર્ડ છે. હું ખુબ ખૂશ છું.