GT vs RR / રાજસ્થાનની બેટિંગ શરૂ, વૈભવ સૂર્યવંશી ફરી કરશે તોફાની બેટિંગ?

GT vs RR Qualifier 2 Live Score: આઇપીએલ 2026 ના ક્વોલિફાયર 2 માં ગુજરાત ટાઇટન્સ રાજસ્થાન રોયલ્સનો સામનો કરી રહી છે. મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે રમાઈ રહેલી મેચમાં આરઆર કેપ્ટન રિયાન પરાગે ટોસ જીતીને પ્રથમ બેટિંગ કરવાનો નિર્ણય લીધો છે.

આઇપીએલ 2026 હવે ક્વોલિફાયર 2 માં પહોંચી ગઈ છે. ગુજરાત ટાઇટન્સ મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે રાજસ્થાન રોયલ્સનો સામનો કરી રહી છે. આરઆરના કેપ્ટન રિયાન પરાગે ટોસ જીતીને પ્રથમ બેટિંગ કરવાનો નિર્ણય લીધો. વિજેતા ટીમ 31 મેના ફાઇનલમાં RCB સામે ટકરાશે.

ક્વોલિફાયર 2 માં રાજસ્થાને ટોસ જીત્યો

IPL 2026 ના ક્વોલિફાયર 2 માં રાજસ્થાન રોયલ્સના કેપ્ટન રિયાન પરાગે ટોસ જીતીને પહેલા બેટિંગ કરવાનો નિર્ણય લીધો. ગુજરાતના કેપ્ટન શુભમન ગિલે પણ એક વાતચીતમાં કહ્યું કે જો તે ટોસ જીત્યો હોત તો તે પહેલા બેટિંગ કરત.

આ પણ વાંચોઃ સ્પોર્ટ્સ / IPL 2026 ફાઇનલ પહેલા BCCIએ આ વસ્તુ પર લગાવ્યો BAN, આપી ચેતવણી

ટોસ સમયે હંગામો કેમ થયો?

ગુજરાત અને રાજસ્થાન વચ્ચે ક્વોલિફાયર 2 માં ટોસ દરમિયાન એક આશ્ચર્યજનક ઘટના બની. સિક્કો બે વાર ઉછાળવામાં આવ્યો કારણ કે મેચ રેફરી પહેલી વાર રાજસ્થાનના કેપ્ટન રિયાન પરાગનો અવાજ સાંભળી શક્યા નહીં. સિક્કો ફરીથી ઉછાળ્યા પછી RR એ ટોસ જીતીને પહેલા બેટિંગ કરવાનો નિર્ણય લીધો. બે વાર સિક્કો ઉછાળવા પર ગુજરાતના કેપ્ટન શુભમન ગિલ ખુશ દેખાયા નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ