મહામારી / કલ્પના પણ નહીં આવે ત્યાંથી ફેલાયો કોરોનાનો નવો ઓમિક્રોન વેરિયન્ટ, વૈજ્ઞાનિકના દાવાથી ખળભળાટ

• લંડનના યુસીએલ જેનેટિક્સ ઈન્સ્ટીટ્યુટના વૈજ્ઞાનિકનો દાવો
• કોરોનાનો ઓમિક્રોન વેરિયન્ટ HIV/AIDSના દર્દીમાંથી આવ્યો
• આફ્રિકાના દેશમાં કેસો પણ મળ્યાં

યુસીએલ જેનેટિક્સ ઈન્સ્ટીટ્યુટના એક વૈજ્ઞાનિકે જણાવ્યું કે ઓમિક્રોન HIV/AIDS દર્દીમાં ઈમ્યૂનો કમ્પ્રોમાઈઝ્ડ થઈને આવ્યો હોવાની સંભાવના છે. આફ્રિકાના દેશમાં તેના કેટલાક કેસો પણ મળ્યાં છે. 

કોરોનાના નવા વેરિયન્ટથી દુનિયામાં ખળભળાટ મચ્યો છે. વર્લ્ડ હેલ્થ ઓર્ગેનાઇઝેશને આ વેરિએન્ટને ઓમિક્રોન નામ આપ્યું છે. વૈજ્ઞાનિકોનું કહેવું છે કે આ વેરિયન્ટ ઝડપથી તેનું રુપ બદલી રહ્યો છે અને તે કોરોનાના ડેલ્ટા, ડેલ્ટા પ્લસ અને બાકીના પ્રકારોથી જોખમી છે.  કોરોનાની બીજી લહેરમાંથી શીખીને ભારત સરકાર પણ સતર્ક બની ગઈ છે અને એક એડવાઈઝરી જારી કરી છે. 

શું આ વેરિયન્ટ ખતરનાક છે 
આ વેરિએન્ટ 30 વખત મ્યુટેટ થયેલો છે. તે આલ્ફા, બીટા અને ડેલ્ટા વેરિએન્ટ્સની તુલનામાં દર્દીઓને ખતરનાક રીતે પોતાની પકડમાં રાખે છે. 

ભારત સરકાર શું કરી રહી છે?

કોરોનાના નવા વેરિયન્ટને પગલે ભારત સરકાર પણ સતર્ક બની છે. કેન્દ્ર સરકારે તમામ રાજ્યોએ લેટર લખીને વિદેશથી આવતા તમામ મુસાફરોના જીનામ સિક્વન્સર માટે રાજ્યોને કોવિડ ટેસ્ટ કરવાનું કહ્યું છે.  કેન્દ્ર સરકારે જોખમ યાદી ધરાવતા દેશોની સૂચિ તૈયાર કરી છે અને ત્યાંથી આવતા મુસાફરો પર બારીકાઈથી નજર રાખવામાં આવી રહી છે. આ દેશો યુકે, દક્ષિણ આફ્રિકા, બ્રાઝિલ, બાંગ્લાદેશ, બોત્સ્વાના, ચીન, મોરેશિયસ, ન્યૂઝીલેન્ડ, ઝિમ્બાબ્વે, હોંગકોંગ અને ઇઝરાયલ છે. જે લોકો આ દેશોમાંથી ભારત આવે છે તેમણે ૧૪ દિવસ સુધી ક્વોરેન્ટાઇન રહેવું પડશે અને રવાના થવાના ૪૮ કલાક પહેલા કોવિડ ટેસ્ટ રિપોર્ટ સબમિટ કરવો પડશે.

ભારતમાં હજુ નવા વેરિયન્ટનો કોઈ કેસ નહીં 

અધિકારીઓનું કહેવું છે કે ભારતમાં હજી સુધી ઓમિક્રોન વેરિયન્ટનો કોઈ કેસ નોંધાયો નથી પરંતુ અત્યારથી સાવચેતી રાખવી સારી છે. 

નિષ્ણાતો કહે છે કે ડેલ્ટા વેરિએન્ટ્સ કરતા ઓમિક્રોન કેટલો જોખમી છે તે માટે વધારે રિસર્ચની જરુર છે. ઓમિક્રોન વેક્સિનને બેઅસર કરી શકે છે તેવા હજુ સુધી કોઈ પુરાવા મળ્યાં નથી. 

નવા વેરિએન્ટના કેટલા કેસ મળ્યા?
દક્ષિણ આફ્રિકા, બોત્સ્વાના અને હોંગકોંગ, ઇઝરાયલ અને બેલ્જિયમમાં  ઓમિક્રોન વેરિયન્ટના કેસ મળી આવ્યા છે.

શું તેની સામે વેક્સિન અસરકારક છે?
ઓમિક્રોન સામે વેક્સિન કેટલી અસરકારક છે તે હજુ સુધી અસ્પસ્ટ છે. ફાઇઝર-બાયોટેકએ કહ્યું છે કે તે આગામી બે અઠવાડિયામાં આ પ્રશ્નનો જવાબ આપી શકશે.