બોલિવુડ / કશ્મીરી પંડિતો પર આધારિત ફિલ્મ પર રીલીઝના થોડા કલાક પહેલા જ જમ્મૂમાં લાગી રોક, જાણો કેમ

• 'ધ કશ્મીર ફાઈલ્સ' પર લગાવાઈ રોક 
• જમ્મૂ કોર્ટે આપ્યો આદેશ 
• જાણો શું છે મામલો 

​​​​​​​'ધ કશ્મીર ફાઈલ્સ' પર લગાવાઈ રોક 

ફિલ્મ નિર્દેશક તથા નિર્માતા વિવેક અગ્નિહોત્રીની ફિલ્મ 'ધ કશ્મીર ફાઈલ્સ' આજે એટલે કે શુક્રવારે રિલીઝ થવા માટે તૈયાર હતી, પરંતુ લાગે છે કે આ ફિલ્મે થોડી વધારે રાહ જોવી પડશે. જમ્મૂની કોર્ટે ફિલ્મ રિલીઝ પર રોક લગાવવાનો આદેશ આપ્યો છે. કોર્ટે ભારતીય વાયુસેનાનાં દિવંગત સ્ક્વાડ્રન લીડર રવિ ખન્નાની પત્ની શાલિની ખન્નાની એક ફરિયાદ પર આદેશ આપતા ફિલ્મ 'ધ કશ્મીર ફાઈલ્સ'ની રિલીઝ પર રોક લગાવવાનો આદેશ આપ્યો છે. શાલિનીનો દાવો છે કે ફિલ્મમાં તેમના પતિની ભૂમિકાને ખોટી રીતે બતાવવાની કોશિશ કરવામાં આવી છે. 

શાલિનીએ 4 માર્ચનાં રોજ થયેલ ફિલ્મની સ્પેશિયલ સ્ક્રીનીંગમાં આ જોયું. શાલિનીનું કહેવું કે કે તેમણે આ મુદ્દાને લઈને ફિલ્મના નિર્માતાઓ સાથે વાતચીત કરી હતી. જોકે, ફિલ્મના નિર્માતાઓએ તેમની વાત પર ખાસ ધ્યાન આપ્યું નહી. જ્યારે મેકર્સ તરફથી શાલિનીને કોઈ જવાબ ન મળ્યો, તો તેમણે આ મુદ્દો કોર્ટમાં લઇ જવાનો નિર્ણય કર્યો. 

​​​​​​​

ફિલ્મનાં મેકર્સને આપવામાં આવ્યો રવિ ખન્ના સાથે જોડાયેલ સીન્સને હટાવવાનો આદેશ 
કોર્ટે ફિલ્મની રિલીઝ પર રોક લગાવતા કહ્યું છે કે ફિલ્મ 'ધ કશ્મીર ફાઈલ્સ'માં શાલિનીનાં પતિ તથા શહીદ સ્ક્વાડ્રન લીડર રવિ ખન્નાને લઈને દર્શાવવામાં આવેલા દ્રશ્યો તથા ખોટા તથ્યોને હટાવવામાં આવે. આ ફિલ્મ 11 માર્ચ એટલે કે આજે રિલીઝ થઇ છે, જેમાં શહીદ સ્ક્વાડ્રન લીડર રવિ ખન્નાને લઈને દર્શાવવામાં આવેલા ફેક્ટસ ખોટા છે. 

જમ્મૂનાં એડિશનલ ડિસ્ટ્રીકટ જજ દીપક સેઠીએ પોતાના આદેશમાં કહ્યું છે કે તથ્યોને ધ્યાનમાં રાખતા, ફિલ્મમાં શહીદ સ્ક્વાડ્રન લીડર રવિ ખન્ના સાથે સંબંધિત દ્રશ્યોને બતાવવાથી રોકવામાં આવે છે. 

રવિ ખન્ના 25 જાન્યુઆરી, 1990નાં રોજ એક ઘટના દરમિયાન શહીદ થયા હતા. રવિ ખન્ના એ 4 ભારતીય વાયુસેનાનાં અધિકારીઓમાનાં એક હતા, જે શ્રીનગરમાં થયેલ શૂટઆઉટમાં શહીદ થયા હતા. આરોપ છે કે ભારતીય વાયુસેનાનાં આ અધિકારીઓનું નિધન એ ગ્રુપનાં ગોળીબારમાં થયું હતું, જેનું નેતૃત્વ જમ્મૂ એંડ કશ્મીર લીબરેશન ચીફ યાસિન મલિક દ્વારા કરવામાં આવ્યું હતું. 

ફિલ્મના કલાકારો 

'ધ કશ્મીર ફાઈલ્સ'માં અનુપમ ખેર, મિથુન ચક્રવર્તી, દર્શન કુમાર, પલ્લવી જોશી જેવા ઘણા કલાકાર છે. આ ફિલ્મની સ્ટોરી વિવેક અગ્નિહોત્રી દ્વારા લખવામાં આવેલ છે તથા નિર્દેશન પણ તેમણે જ કર્યું છે. ફિલ્મની સ્ટોરી કશ્મીરી પંડિતોનાં હત્યાકાંડ પર આધારિત છે.