સાવચેતી / ગુજરાતના આ તાલુકામાં કોરોના સંક્રમણ વધતાં 68 ગામો સજ્જડ બંધ, 5મી તારીખ સુધી સ્વૈચ્છિક Lockdown

Published By: Gayatri

Last Updated: 01:11 PM, 28 April 2021

FOLLOW ON

શેર કરો

ગુજરાતમાં કોરોના વાયરસ દિવસેને દિવસે ગંભીર રીતે ફેલાઈ રહ્યો છે ત્યારે નવસારીના વાસંદા તાલુકાના 68 ગામોમાં સ્વૈચ્છિક લોકડાઉન મૂકી દેવામાં આવ્યુ છે.

નવસારીમાં સતત વધતું કોરોના સંક્રમણ
ચીખલી તાલુકામાં પણ સ્વૈચ્છિક લોકડાઉન
આજથી 5 મે સુધી સ્વૈચ્છિક લોકડાઉન

નવસારી જિલ્લામાં કોરોના સંક્રમણને રોકવા માટે હવે લોકો જાગૃત થયા છે અને તંત્ર સાથે મળીને સ્વૈચ્છિક લોકડાઉનને અસરકારક બનાવી રહ્યા છે.

કોરોના સંક્રમણ વધવા સાથે જિલ્લામાં મૃત્યુ દર પણ વધી રહ્યો છે. ત્યારે વાંસદા તાલુકા બાદ જિલ્લાના બીજા સૌથી મોટા એવા ચીખલી તાલુકામાં પણ સ્વૈચ્છિક લોકડાઉન પાડવામાં આવ્યુ છે. ગત દિવસોમાં તાલુકા વિકાસ અધિકારી અને ચીખલીના વેપારી મંડળો સહિત આગેવાનોએ બેઠક કરી લીધેલા સ્વૈચ્છિક લોકડાઉનના નિર્ણયને વેપારીઓએ સંપૂર્ણ સહકાર આપ્યો છે.

આજથી 5 મે સુધી અઠવાડિયા માટે ચીખલી તાલુકાના 68 ગામડાઓમાં જાહેર થયેલા સંપૂર્ણ સ્વૈચ્છિક લોકડાઉનને ગ્રામીણોએ સહકાર આપી કોરોનાની ચેઇન તોડવાનો પ્રયાસ કર્યો છે. જ્યારે લોકડાઉન દરમિયાન આવશ્યક ચીજવસ્તુઓ દૂધ શાકભાજી અને મેડિકલ ને છૂટ આપવામાં આવી છે.

રાજ્યાના 29 શહેરોમાં મિનિ લોકડાઉન છે. જેમાં 29મી એપ્રિલથી 5મી મે સુધી મિનિ લોકડાઉન જાહેર કરવામાં આવ્યુ છે.