હૂકમથી / આજથી માસ્ક પહેર્યા વિના બહાર નીકળ્યા તો તમારી ખૈર નથી: ગુજરાત સરકાર

Gayatri

Last Updated: 09:22 AM, 17 June 2020

FOLLOW ON

શેર કરો

આજથી માસ્ક પહેર્યા વિના બહાર ફરનારા લોકો પાસેથી પોલીસ દંડ વસૂલશે. પોલીસ રૂપિયા 200નો દંડ વસૂલશે. અત્યાર સુધી માત્ર મ્યુનિસિપાલિટી જ દંડ વસૂલતી હતી. હવે સરકારે માસ્ક વિના ફરનારા લોકો પાસેથી દંડ વસૂલ કરવાની સત્તા પોલીસને પણ આપી દીધી છે.

આજથી માસ્ક પહેર્યા વગર નીકળ્યા તો ભરવો પડશે દંડ
માસ્ક વગરના લોકો પાસેથી પોલીસ 200 રૂપિયાનો દંડ વસૂલશે
અત્યાર સુધી મ્યુનિસિપાલિટી જ દંડ વસૂલ કરતી હતી

સરકારે ટ્રાફિક પોલીસ અને તમામ પોલીસ સ્ટેશનને સૂચના આપી છે. મંગળવારે સાંજે શહેરના તમામ IPS અધિકારીઓની વીડિયો કોન્ફરન્સ યોજાઇ હતી. જેમાં પોલીસ કમિશનર આશિષ ભાટિયાએ કહ્યું હતું કે પોલીસ માસ્ક વિના ઘરની બહાર નીકળનારા લોકો પાસેથી દંડ વસૂલી શકશે. આ અંગે ટ્રાફિક પોલીસ અને તમામ પોલીસ સ્ટેશનને સૂચના અપાઈ છે.

હેડ કોન્સ્ટેબલ કે તેમનાથી ઉપરી પોલીસ દંડ વસૂલી શકશે. જાહેરસ્થળે, કામકાજના સ્થળે અને વાહન વ્યવહાર દરમિયાન માસ્ક ફરજિયાત પહેરવું પડશે. કોઇપણ પ્રકારના કપડાથી ચહેરો ઢાંકવો ફરજિયાત છે. જો ચહેરો ખુલ્લો હશે તો 200 રૂપિયાનો દંડ વસૂલ કરશે.

આજથી માસ્ક પહેર્યા વિના નીકળ્યા તો ભરવો પડશે દંડ