લવ અફેર / 'તું કાળા ડ્રેસમાં જ આવજે', જૈકલિનને કહેવાનો સુકેશ ચંદ્રશેખરનો શું ઈરાદો હતો? મેસેજ લીક થયો

• 200 કરોડની હેરાફેરીના આરોપી મહાઠગ સુકેશ ચંદ્રશેખર ફરી ઈશ્કમિજાજી સામે આવી
• કોર્ટમાં ખાસ દિવસે જેકલનીનને કહ્યું હતું કાળા ડ્રેસમાં જ આવજે
• જેકલનીનની કોર્ટમાં અરજી-મારી લાગણીને ઠેસ પહોંચી 

કથિત છેતરપિંડી કરનાર સુકેશ ચંદ્રશેખર દ્વારા બોલિવૂડ અભિનેત્રી જેકલીન ફર્નાન્ડિઝને લખેલો એક સંદેશ લીક થયો છે, જેમાં તેણે અભિનેત્રીને કોર્ટમાં તેની હાજરી દરમિયાન 'બ્લેક ડ્રેસ'માં આવવાનું કહ્યું છે. મહાઠગ સુકેશ ચંદ્રશેખરનો આવું કહેવા પાછળનો ઈરાદો ઈશ્કમિજાજી હોવાનું જણાતું હતું. કાળા ડ્રેસમાં જૈકલીનને જોવાનું સુકેશને ઘણું ગમતું હતું તેથી તેણે આવી માગ કરીહતી. 

જેકલીન સુકેશ ચંદ્રશેખરની સામે કોર્ટમાં ગઈ 
જેકલીને સુકેશ ચંદ્રશેખર દ્વારા મીડિયાને લખવામાં આવેલા પત્રના વિરોધમાં કોર્ટનો સંપર્ક સાધ્યો છે અને તેની અરજીમાં માંગ કરી છે કે તેના વિશેના પત્રો, નિવેદનો અથવા સંદેશાઓનું પ્રસારણ રોકવા માટે આદેશ જારી કરવામાં આવે. જેક્લિને કહ્યું છે કે સુકેશે કેટલા ખોટા નિવેદનો કર્યાં છે જેને કારણે તેની લાગણીને ઠેસ પહોંચી છે. 

સુકેશ ચંદ્રશેખર 200 કરોડની ખંડણીના કેસમાં મુખ્ય આરોપી
સુકેશ ચંદ્રશેખર રૂપિયા 200 કરોડની ખંડણીના કેસમાં મુખ્ય આરોપી છે અને હાલમાં તે દિલ્હીની મંડોલી જેલમાં બંધ છે.

જેકલીનની અરજી રદ કરવા સુકેશ કરી અરજી 
મની લોન્ડરિંગ કેસમાં જેલમાં બંધ ગેંગસ્ટર સુકેશ ચંદ્રશેખરે દિલ્હીની પટિયાલા હાઉસ કોર્ટમાં અરજી દાખલ કરી છે. અરજીમાં જેકલીનની અરજીનો વિરોધ કરવામાં આવ્યો છે. સુકેશે આ અરજી કોર્ટના વિશેષ ન્યાયાધીશને આપી છે. જેમાં સુકેશે કહ્યું છે કે જેકલીનની અરજીની સાથે તેની અરજી પર પણ સુનાવણી થવી જોઈએ.