હેલ્થ ટીપ્સ / પૂરતા પ્રમાણમાં ખાજો ખાટા ફળો, બ્રેઈન હેમરેજનું જોખમ થઈ જશે ઓછું, પથરી પણ નીકળી જશે, જાણો બીજા ફાયદા

• ખાટા ફળો અનેક ગુણોનો ભંડાર
• ઘણી મોટી બીમારીઓનું જોખમ દૂર રાખે છે 
•  ફ્રાન્સની પોંશૈલુ યુનિવર્સિટીના સંશોધકોનું તારણ 

(Citrus Fruits benefits) લોકો ખાટા ફળો ખાવાનું ટાળતાં હોય છે પરંતુ હવે તેમણે તે ચાલું કરી દેવા જોઈએ કારણ કે રિસર્સમાં જાણવા મળ્યું છે ખાટા ફળો નકામા નથી ખૂબ કામના છે. 

હેમરેજિક સ્ટ્રોક ઓછો કરી શકે 
સંતરા, લીંબુ, નારંગી, દ્રાક્ષ, પપૈયા અને સ્ટ્રોબેરી જેવા વિટામિન-સીથી ભરપૂર ખાટા ફળો હેમરેજિક સ્ટ્રોક (મગજમાં લોહીની ધમની ફાટી જવાનું) નું જોખમ ઘણી હદ સુધી ઘટાડી શકે છે. ફ્રાન્સની પોંશૈલુ યુનિવર્સિટીના એક અભ્યાસમાં સ્ટ્રોકનો ભોગ બનેલા સ્વસ્થ લોકોનો અભ્યાસ કરવામાં આવ્યો હતો.

પૂરતા પ્રમાણમાં ખાજો ખાટા ફળો 
વૈજ્ઞાનિકોએ શોધી કાઢ્યું હતું કે જે લોકોના લોહીમાં વિટામિન-સીની માત્રા ઓછી હોય છે તેમને પણ મેદસ્વી લોકોની જેમ હાઈ બ્લડપ્રેશર અથવા સ્ટ્રોક થવાની શક્યતા વધુ હોય છે, પરંતુ જે લોકોએ પૂરતા પ્રમાણમાં વિટામિન-સી લીધું હતું તેઓ વધુ સુરક્ષિત હતા.

વજન પણ કંટ્રોલ કરી શકશો 
ખાટાં ફળોમાં સ્થૂળતા વિરોધી ગુણધર્મો ઓછા  જોવા મળે છે. તેના સેવનથી તમે વધતા વજનને પણ કંટ્રોલ કરી શકો છો. ઘણા પ્રકારના ફાયટોકેમિકલ્સ સાઇટ્રસ ફળો જેવા કે અલ્કોનોઇડ્સ, ફ્લેવોનોઇડ્સ વગેરેમાં જોવા મળે છે.

ખાટા ફળો કેન્સરનું જોખમ પણ ઘટાડે છે 
ખાટા ફળોમાં કેન્સર વિરોધી ગુણધર્મો હોય છે. તે પેટના કેન્સર, ફેફસાના કેન્સર, સ્તન કેન્સર અને ફેફસાના કેન્સર સામે રક્ષણ આપવામાં મદદ કરે છે. આ ફળોની છાલના અર્કમાં એન્ટી-ટ્યુમર ગુણધર્મો હોય છે, જે ગાંઠના વિકાસના જોખમને ઘટાડી શકે છે.

રોગપ્રતિકારક શક્તિમાં વધારો 
તમે સાઇટ્રસ ફળોનું સેવન કરીને તમારી રોગપ્રતિકારક શક્તિ વધારી શકો છો. તેમાં રહેલા વિટામિન શરીરમાં સફેદ રક્તકણોને વધારવામાં અસરકારક છે. આ રક્તકણો તમને તમારી રોગપ્રતિકારક શક્તિની કામગીરીમાં સુધારો કરવામાં મદદ કરી શકે છે. ખાટા ફળોનું સેવન કરીને તાણ ઘટાડી શકાય છે જે  મગજની વિકૃતિઓને ઓછી કરી શકે છે.

ખાટા ફળો આંખોને પણ રાખે છે હેલ્થી 
આંખોને સ્વસ્થ રાખવા માટે સાઇટ્રસ ફળો ખાવા. વાસ્તવમાં વિટામિન સી સાઇટ્રસ ફળોમાં જોવા મળે છે, જે આંખોને સુરક્ષિત રાખે છે. તે આંખોને મુક્ત રેડિકલ્સથી પણ બચાવે છે.

પથરીમાં ફાયદાકારક
સાઇટ્રસ ફળોના સેવનથી પથરીની સમસ્યા દૂર થાય છે. સાઇટ્રસ ફળોમાં મૂત્રવર્ધક પદાર્થના ગુણધર્મો હોય છે. આવી સ્થિતિમાં, સાઇટ્રસ ફળોના સેવનથી પેશાબ દ્વારા શરીરમાંથી પથરી દૂર થઈ શકે છે. લીંબુમાં મૂત્રવર્ધક પદાર્થોની અસરો હોય છે. તેનાથી પથરીના જોખમને ઓછું કરી શકાય છે.

હૃદયને સ્વસ્થ રાખવામાં પણ સહાયક 
સાઇટ્રસ ફળોનું સેવન કરીને હૃદયને સ્વસ્થ રાખી શકે છે.  ફ્લેવોનોઇડ્સ સાઇટ્રસ ફળોમાં વિપુલ પ્રમાણમાં જોવા મળે છે. તે તમને હૃદયરોગને રોકવામાં મદદ કરી શકે છે.