કવાયત / ફફડી ઉઠશે ચીન-પાકિસ્તાન: જે ગેમચેન્જર હથિયારથી USએ અલ કાયદા ચીફને ભડાકે દીધો, એ હવે ભારત પાસે

• ભારતીય સેનાની આ એક કવાયતથી હવે ચીન ફફડી ઉઠશે
• ભારતે ઉત્તરીય ક્ષેત્રમાં અદ્યતન હેરોન માર્ક-2 ડ્રોન તૈનાત કર્યા
• આ ડ્રોન લાંબા અંતરની મિસાઈલથી દુશ્મન પર હુમલો કરવામાં સક્ષમ

ભારતીય સેનાની આ એક કવાયતથી હવે ચીન ફફડી ઉઠશે. વાત જાણે એમ છે કે, ભારતે ઉત્તરીય ક્ષેત્રમાં ફોરવર્ડ એરબેઝ પર અદ્યતન હેરોન માર્ક-2 ડ્રોન તૈનાત કર્યા છે. આ ડ્રોન લાંબા અંતરની મિસાઈલથી દુશ્મન પર હુમલો કરવામાં સક્ષમ છે. આ સિવાય એક જ ફ્લાઈટમાં ચીન-પાકિસ્તાન બંને બોર્ડર પર પણ નજર રાખી શકાશે.

એક જ ફ્લાઇટમાં બહુવિધ મિશન 
હેરોન માર્ક-II ડ્રોન ઈઝરાયેલ એરોસ્પેસ ઈન્ડસ્ટ્રીઝ (IAI) દ્વારા બનાવવામાં આવે છે. આની મદદથી એક જ ફ્લાઇટમાં બહુવિધ મિશન એક્ઝિક્યુટ કરી શકાય છે અને એકસાથે અનેક સેક્ટરનું નિરીક્ષણ કરી શકાય છે. એક દિવસ પહેલા ભારતીય વાયુસેનાએ શ્રીનગર એરબેઝ પર અદ્યતન મિગ-29 લડાકુ વિમાનોની સ્ક્વોડ્રન તૈનાત કરી છે. નોર્ધન સેક્ટરમાં મિગ-29 અને હેરોન માર્ક-2 ડ્રોનની તૈનાતી સાથે સેનાની તાકાતમાં વધારો થશે.

ડ્રોનટાર્ગેટ પર રાખી શકે છે 24 કલાક નજર 
વિંગ કમાન્ડર પંકજ રાણાએ ડ્રોન સ્ક્વોડ્રનના કમાન્ડિંગ ઓફિસર જણાવ્યું કે, હેરોન માર્ક-2 ખૂબ જ સક્ષમ ડ્રોન છે. તે લાંબા સમય સુધી ટકી રહેવા માટે સક્ષમ છે અને મોટા વિસ્તારને મોનિટર કરી શકે છે. આધુનિક એવિઓનિક્સ અને એન્જિનના કારણે ડ્રોનનો ઓપરેશનલ સમય વધી ગયો છે. તે સેટેલાઇટ કમ્યુનિકેશનથી પણ સજ્જ છે અને 24 કલાક ટાર્ગેટ પર દેખરેખ રાખવામાં સક્ષમ છે. હેરોન માર્ક-2 ડ્રોન ફાઈટર જેટને પણ મદદ કરે છે. તેઓ તેમના ટાર્ગેટ પર લેસર લાઈટ લગાવે છે, જેથી ફાઈટર એરક્રાફ્ટ ટાર્ગેટને ઓળખી શકે અને તેને ચોક્કસ નિશાન બનાવી શકે.

હેરોન માર્ક-2 સબ-ઝીરો ટેમ્પરેચરમાં પણ કામ કરશે
સ્ક્વોડ્રન લીડર અર્પિત ટંડને જણાવ્યું કે, હેરોન માર્ક-2 જૂના વર્ઝન કરતાં ઘણું સારું છે. તેઓ ઉપ-શૂન્ય તાપમાનમાં પણ કામ કરવા સક્ષમ છે. ભારતીય વાયુસેના પણ પ્રોજેક્ટ ચિતા પર કામ કરી રહી છે. આ અંતર્ગત 70 હેરોન ડ્રોનને અપગ્રેડ કરવામાં આવશે. સેટેલાઇટ કોમ્યુનિકેશન લિંક્સ અને શસ્ત્રો જરૂર મુજબ ઉમેરવામાં આવશે.

ટૂંક સમયમાં જ સેનાને અમેરિકા પાસેથી 31 પ્રિડેટર ડ્રોન પણ મળવા જઈ રહી છે. આ ડ્રોનમાં હથિયારો અને અનેક પ્રકારના સેન્સર પણ લગાવી શકાય છે. આમાંથી 15 ડ્રોન નેવીને અને 8-8 ડ્રોન એરફોર્સ અને આર્મીને આપવામાં આવશે.

12 ઓગસ્ટે શ્રીનગરમાં એડવાન્સ્ડ ફાઈટર મિગ-29 તૈનાત કરવામાં આવ્યું
ભારતીય વાયુસેનાએ 12 ઓગસ્ટના રોજ શ્રીનગર એરબેઝ પર મિગ-29 ફાઈટર જેટની સ્ક્વોડ્રન તૈનાત કરી છે. તેમને મિગ-21ની જગ્યાએ તૈનાત કરવામાં આવ્યા હતા. આ મિગ-29 અપગ્રેડ અને આધુનિક સુવિધાઓથી સજ્જ છે. આમાં ઘણી નવી સુવિધાઓ ઉમેરવામાં આવી છે, જેમાં લાંબા અંતરની એર-ટુ-એર મિસાઇલ, નાઇટ વિઝન, એર-ટુ-એર રિફ્યુઅલિંગનો સમાવેશ થાય છે.