કાંડ / બિહારમાં દારુબંધીની ધજ્જિયા ઉડી ! ઝેરી દારુ પીવામાં આવતાં 25 લોકો ટપોટપ પડીને મર્યાં

• બિહાર છપરાંમાં ઝેરી દારૂનાં સેવનથી 25 લોકોનું મોત
• પોલીસે ઝેરી દારૂ વેંચનારાઓની કરી ધરપકડ
• SP સંતોષકુમારે આ મુદે આપ્યું નિવેદન

બિહાર: છપરાં જિલ્લામાં ઝેરી દારૂથી થઇ રહેલી મોતનાં આંકડાઓ દિવસે-દિવસે વધી રહ્યાં છે. જિલ્લાનાં ત્રણ વિભાગોમાં ઝેરી દારૂથી આશરે 25 લોકોનું મોત નોંધાયું છે. મૃત્યુ બાદ જિલ્લાની ઓથોરીટીએ મૌન ધારણ કર્યું છે જો કે પોલીસે દારૂ વેંચનારની ધરપકડ કરી છે. 

પોલીસ એક્શન મોડમાં
જે ઝેરી દારૂથી 25 લોકોનું મોત થયું તેને વેંચનાર સામે કડક પગલાં લેવાઇ રહ્યાં છે. પોલીસે ઇશુઆપુરનાં ડોઇલા ગામથી હરિરામ મહતો અને તેના પુત્ર સુરજ મહતોની ધરપકડ કરી છે. આ તે જ લોકો છે કે જેમના દ્વારા મોકલવામાં આવેલ દારૂ પીને 25 લોકોનું મોત અને 15થી વધારે લોકો બિમાર છે. વહીવટી તંત્ર દ્વારા 25માંથી 17 લોકોનું પોસ્ટમોર્ટમ કરવામાં આવ્યું છે.

Bihar | Death toll has reached 20 in Bihar Hooch tragedy in Chhapra area of Saran district.

— ANI (@ANI) December 14, 2022

કોઇને આંખ ગઇ તો કોઇનો જીવ!
ઘટના બાદ બુધવારે સવારે સદર હોસ્પિટલમાં બિમાર લોકોની લાઇન લાગી ગઇ હતી. કેટલાક લોકોની આંખોની દ્રષ્ટિ ગઇ તો કેટલાકે પોતાનો જીવ ગુમાવ્યો છે. SP સંતોષ કુમારે જણાવ્યું કે વહીવટી તંત્ર આ ઘટનાને ગંભીરતાથી લઇ રહ્યું છે અને કેટલાક વિસ્તારોમાં રેડ પણ પાડવામાં આવી રહી છે. અત્યાર સુધી સમગ્ર જિલ્લામાં  અભિયાન ચલાવીને 40થી વધુ લોકોની ધરપકડ કરવામાં આવી છે તો આ કાંડમાં શામેલ 3 લોકોને પણ પોલીસ કસ્ટડીમાં ખસેડાયા છે.

પરિવારજનોએ ઉઠાવ્યાં તંત્ર પર સવાલો
ઝેરી દારૂ પીવાથી થઇ રહેલી મોત બાદ મૃતકનાં પરિવારોની સ્થિતિ બગડતી હોય તેવું લાગી રહ્યું છે. પરિવારજનો તંત્રની સામે પ્રશ્નો ઊઠાવી રહ્યાં છે કે જો દારૂબંધી છે તો લોકો દારૂ ક્યાંથી પી રહ્યાં છે અને પોતાનો જીવ કઇ રીતે ગુમાવી રહ્યાં છે?  ઇસપુર પ્રખંડનાં ડોઇલા અને મસરખ પ્રખંડનાં યદુપુર ગામની સાથે સાથે અમનોર અને મઢોરામાં પણ આ દારૂથી લોકોનું મોત થયું છે. દારૂનાં લીધે થયેલ મોત બાદ લોકોમાં આક્રોશ જોવા મળી રહ્યો છે.

SP સંતોષકુમારે આપ્યું નિવેદન
તેમણે પત્રકારોને જણાવ્યું કે પોલીસ આ ઘટનાને ઘણી ગંભીરતાથી લઇ રહી છે અને અસરગ્રસ્ત ક્ષેત્રોમાં કેમ્પ પણ કરી રહી છે. તેમણે કહ્યું કે મૃતકોનાં આંક પરની સત્યતા તપાસવીની જરૂર છે કારણકે ઘણા લોકોનું મોત અન્ય કારણોથી પણ થયું છે. 

લોકોએ અધિકારીઓ વિરૂદ્ધ એક્શનની કરી માંગ
લોકોએ આ મુદે વહીવટી તંત્રની બેદકારી બાદ અધિકારીઓ વિરૂદ્ધ એક્શન લેવાની માંગ કરી છે. સદલ હોસ્પિટલમાં લોકોની મોત બાદ હોબાળો થઇ રહ્યો છે. જ્યાં જોઇએ ત્યાં રોવાનો કકળાટ સંભળાઇ રહ્યો છે.