ચેતવતો કિસ્સો / મોલમાં યુવતી સાથે અફઝલે ખેલ્યો 'લવ જેહાદ'નો ખેલ, રજિસ્ટ્રેશન કરતા ભાંડો ફૂટ્યો

રાજકોટ શહેરમાં યુવતીને પ્રેમજાળમાં ફસાવ્યાના આક્ષેપ સાથે એક વિવાદાસ્પદ ઘટના સામે આવી છે. અફઝલ દલ નામના યુવકે યુવતી સાથે છુપાઈને સ્પેશિયલ મેરેજ એક્ટ હેઠળ લગ્ન નોંધણી માટે અરજી કરતા સમગ્ર મામલો બહાર આવ્યો હોવાનું જાણવા મળે છે.

યુવકે યુવતી સાથે ગુપ્ત રીતે લગ્ન નોંધણી માટે અરજી કરી

માહિતી મુજબ યુવક અને યુવતી રાજકોટના બિગ બજાર મોલમાં સાથે નોકરી કરતા હતા. નોકરી દરમિયાન બંને વચ્ચે પરિચય વધ્યો અને બાદમાં નજીકતા વધી હોવાનું કહેવાય છે. ત્યારબાદ યુવકે યુવતી સાથે ગુપ્ત રીતે લગ્ન નોંધણી માટે અરજી કરી હતી.

ઘટનાની જાણ થતા યુવતીના માતા-પિતા ચિંતિત બન્યા

આ ઘટનાની જાણ થતા યુવતીના માતા-પિતા ચિંતિત બન્યા હતા અને તાત્કાલિક જ્ઞાતિના અગ્રણીઓનો સંપર્ક કર્યો હતો. અગ્રણીઓની દખલ બાદ લગ્ન નોંધણી પ્રક્રિયા અને અરજી રદ કરાવવામાં આવી હોવાનું જાણવા મળે છે.

યુવતીને નારી સુરક્ષા ગૃહમાં રાખવામાં આવી

યુવતીની સુરક્ષા અને સલામતીને ધ્યાનમાં રાખીને તેને નારી સુરક્ષા ગૃહમાં રાખવામાં આવી છે. પરિવારજનોએ પોતાની દીકરીને સહીસલામત પરત સોંપવાની માંગ કરી છે.

આ પણ વાંચોઃ હવેથી અમદાવાદમાં ગેરકાયદે વૃક્ષો કાપનારની ખેર નહીં, કરાશે કાર્યવાહી

વિશ્વ હિંદુ પરિષદ પણ પીડિત પરિવારના સમર્થનમાં જોડાઈ

આ સમગ્ર મામલે વિશ્વ હિંદુ પરિષદ પણ પીડિત પરિવારના સમર્થનમાં જોડાઈ હોવાનું જાણવા મળે છે. ઘટનાને લઈને શહેરમાં ચર્ચાનો માહોલ સર્જાયો છે. પોલીસ અથવા સત્તાવાર તંત્ર તરફથી હજી સુધી કોઈ સત્તાવાર નિવેદન જાહેર કરવામાં આવ્યું નથી. ઘટનાની વધુ તપાસ ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ