તમારા કામનું / શું આ 2 બેંકોમાં છે તમારા એકાઉન્ટ? તો ઍલર્ટ, વધી ગયા છે સર્વિસ ચાર્જ

• કેનેરા અને એક્સિસ બેંકે સર્વિસ ચાર્જમાં કર્યો વધારો 
• કેનેરા બેંકે સુધારેલા ચાર્જ 20 સપ્ટેમ્બર 2022થી લાગુ થશે
• એક્સિસ બેંકે પગાર અને બચત ખાતા ધારકો માટેના સર્વિસ ચાર્જમાં પણ ફેરફાર કર્યો

જો તમારુ એકાઉન્ટ કેનેરા અને એક્સિસ  બેંકમાં એકાઉન્ટ છે તો આ સમાચાર તમારા માટે છે. હકીકતમાં દેશની બે મોટી ખાનગી બેંકોએ સર્વિસ ચાર્જમાં ફેરફાર કર્યો છે. આવી સ્થિતિમાં, જો તમે પણ આ બેંકોના ગ્રાહક છો, તો નવા ચાર્જનું ધ્યાન રાખો. જે બેંકોએ તેમના સર્વિસ ચાર્જમાં વધારો કર્યો છે તેમાં કેનેરા અને એક્સિસ  બેંક છે. આવો તેના વિશે સંપૂર્ણ માહિતી મેળવીએ.

કેનેરા બેંકનો શું છે નવો ચાર્જ?
કેનેરા બેંકે બેઝિક સેવિંગ્સ બેંક ડિપોઝિટ એકાઉન્ટ અને નોન-બેઝિક સેવિંગ્સ ડિપોઝિટ એકાઉન્ટમાં નાણાંકીય અને બિન-નાણાંકીય ટ્રાન્જેકશન માટેના સર્વિસ ચાર્જમાં સુધારો કર્યો છે. ખાનગી બેંકની વેબસાઈટ અનુસાર, સુધારેલા ચાર્જ 20 સપ્ટેમ્બર 2022થી લાગુ થશે.

બેંકમાં બીજી બેંકના BCA દ્વારા કરવામાં આવતા નાણાંકીય વ્યવહારો (કેશ ડિપોઝિટ અથવા ફંડ ટ્રાન્સફર) પ્રત્યેક ટ્રાન્જેક્શન દીઠ રૂ. 30 પ્લસ GST લાગશે. તે જ સમયે, બિન-નાણાકીય ટ્રાન્જેક્શન પર 6 રૂપિયા જીએસટી લાગશે. બીજી તરફ, કેનેરા બેંકના BCA દ્વારા રોકડ ઉપાડવા પર 25 રૂપિયા વત્તા GST પ્રતિ ટ્રાન્જેક્શનનો ખર્ચ થશે. આ કિસ્સામાં, બિન-નાણાંકીય ટ્રાન્જેક્શન પર શૂન્ય ચાર્જ લાગશે.

એક્સિસ બેંકમાં પણ થયો બદલાવ 
એક્સિસ બેંકે પગાર અને બચત ખાતા ધારકો માટેના સર્વિસ ચાર્જમાં પણ ફેરફાર કર્યો છે. બેંકે વિવિધ સેવાઓ પરના ચાર્જીસમાં સુધારો કર્યો છે. સરેરાશ બેલેન્સની જરૂરિયાત, મિનિમમ એવરેજ બેલેન્સની જાળવણી ન કરવી, ફ્રી કેશ ટ્રાન્જેક્શન લિમિટ, ડીડી એશ્યોરન્સ ફી વગેરેમાં ફેરફારો કરવામાં આવ્યા છે. એક્સિસ બેંકની વેબસાઈટ મુજબ, 1 એપ્રિલ, 2023 થી બચત અથવા પગાર અથવા ટ્રસ્ટ એકાઉન્ટ્સ માટે ટેરિફ સ્ટ્રક્ચર બદલવામાં આવી રહ્યું છે.

પ્રેસ્ટિજ સેવિંગ્સ એકાઉન્ટ્સ માટે મિનિમમ બેલેન્સની જરૂરિયાત રૂ. 75,000ની સરેરાશ ત્રિમાસિક બેલેન્સથી રૂ. 75,000ની સરેરાશ માસિક બેલેન્સમાં બદલાઈ ગઈ છે. અગાઉ, સરેરાશ માસિક બેલેન્સની જાળવણી ન કરવા માટેની ઓછી રકમ 7.5 ટકા હતી. તે જ સમયે, હવે તેને સરખુ બનાવવામાં આવ્યું છે.

આ અગાઉ પંજાબ નેશનલ બેંકે 20 મે, 2022 થી RTGS અને NEFT ચાર્જમાં વધારો કરવાનો પ્રસ્તાવ મૂક્યો હતો. તે જ સમયે, બેંકે નેશનલ ઓટોમેટેડ ક્લિયરિંગ હાઉસ (NACH) ઈ-મેન્ડેટ ચાર્જમાં પણ વધારો કર્યો હતો.