Canada Housing Crisis / હવે કેનેડામાં ઘર લેવું જાણે એક સપનું બની જશે! ટ્રુડો સરકારની આ જાહેરાતથી લાગશે મોટો ઝટકો

• કેનેડામાં ઘર લેવાનું સપના જોનાર લોકો માટે મોટા સમાચાર સામે આવ્યા. 
• કેનેડિયન હાઉસિંગની વિદેશી માલિકી પરનો પ્રતિબંધ બે વર્ષ માટે લંબાવ્યો. 
• ટ્રુડો સરકારે વર્ષ 2023માં જ વિદેશીઓ પર પ્રોપર્ટી ખરીદવા અંગે પ્રતિબંધ મૂક્યો હતો.

કેનેડામાં ઘર લેવાનું સપના જોનાર લોકો માટે મોટા સમાચાર સામે આવ્યા છે. કેનેડામાં ઘર લેનાર વિદેશીઓ માટે ત્યાં ઘર લેવું સહેલું નહીં થાય, ટ્રુડો સરકારે એક નવી જાહેરાત કરી છે જેને ઘર ખરીદવાના માર્ગમાં અવરોધો ઉભા કર્યા છે. કેનેડાએ રવિવારે કેનેડિયન હાઉસિંગની વિદેશી માલિકી પરનો પ્રતિબંધ બે વર્ષ માટે લંબાવ્યો છે. સરકાર કહે છે કે તેનો હેતુ કેનેડિયનોની ચિંતાઓને દૂર કરવાનો છે.

Canada extends ban on foreign ownership of housing by two years https://t.co/1DN88Nigu3 pic.twitter.com/cKxKx5diZc

— Reuters (@Reuters) February 4, 2024

વિદેશીઓ પર દેશમાં પ્રોપર્ટી ખરીદવા પર પ્રતિબંધ મૂક્યો
સતત વધી રહેલા ભાવને કારણે અહીંના નાગરિકો મકાનો બનાવી શકતા નથી. નોંધનીય છે કે ટ્રુડો સરકારે વર્ષ 2023માં જ વિદેશીઓ પર દેશમાં પ્રોપર્ટી ખરીદવા પર પ્રતિબંધ મૂક્યો હતો. તે સમયે એવું કહેવામાં આવ્યું હતું કે કેનેડામાં વિદેશીઓ દ્વારા સતત રોકાણના કારણે ભાવ આસમાને પહોંચવા લાગ્યા છે. આ કારણે કેનેડિયનો પ્રોપર્ટી ખરીદી શકતા નથી.

આંતરરાષ્ટ્રીય વિદ્યાર્થીઓની વધતી સંખ્યા જવાબદાર
કેનેડામાં હાઉસિંગ સમસ્યા સતત વધી રહી છે. આ માટે સ્થળાંતર કરનારા અને આંતરરાષ્ટ્રીય વિદ્યાર્થીઓની વધતી સંખ્યાને જવાબદાર ગણવામાં આવે છે. જેના કારણે મકાનોની માંગ વધી છે, જ્યારે મોંઘવારીના કારણે બાંધકામની કામગીરી ધીમી પડી છે. 

Canada has extended its ban on foreign buying of Canadian housing

Foreign nationals & commercial enterprises will not be able to purchase property in Canada until 2027 pic.twitter.com/e4azu68x21

— YEGWAVE (@yegwave) February 4, 2024

પ્રતિબંધ બે વર્ષ માટે લંબાવવામાં આવ્યો
કેનેડિયન ડેપ્યુટી પ્રાઇમ મિનિસ્ટર ક્રિસ્ટિયા ફ્રીલેન્ડે એક નિવેદનમાં જણાવ્યું હતું કે કેનેડિયનો માટે પોસાય તેવા આવાસ ઉપલબ્ધ કરાવવા માટે તમામ પ્રયાસો કરવામાં આવી રહ્યા છે. આ અંતર્ગત વિદેશીઓ દ્વારા ઘર ખરીદવા પરનો પ્રતિબંધ બે વર્ષ માટે લંબાવવામાં આવ્યો છે. અગાઉ તે 1 જાન્યુઆરી, 2025 ના રોજ સમાપ્ત થઈ રહ્યું હતું, હવે તેની અંતિમ તારીખ 1 જાન્યુઆરી, 2027 સુધી લંબાવવામાં આવી છે.

વિદ્યાર્થીઓને પરમિટ આપવા પર બે વર્ષનો પ્રતિબંધ 
કેનેડિયન સરકાર પણ કહે છે કે વિદેશીઓની વધતી જતી દખલગીરીને કારણે કેનેડાના શહેરો અને નગરોમાં મકાનોની કિંમતોમાં નોંધપાત્ર વધારો થયો છે. ગયા મહિને, કેનેડાએ પણ આંતરરાષ્ટ્રીય વિદ્યાર્થીઓને પરમિટ આપવા પર બે વર્ષનો પ્રતિબંધ લાદ્યો હતો. તેમણે એમ પણ કહ્યું કે તેઓ સ્નાતક થયા પછી કેટલાક વિદ્યાર્થીઓને વર્ક પરમિટ આપવાનું બંધ કરશે. 

હકીકતમાં, કેનેડામાં ઝડપથી વધતી વસ્તીએ આરોગ્ય અને શિક્ષણ પર ઘણું દબાણ કર્યું છે. આ સિવાય ઘરની કિંમતોમાં પણ ખૂબ જ ઝડપથી વધારો થયો છે. આ મુદ્દાઓએ લિબરલ જસ્ટિન ટ્રુડો પર દબાણ બનાવ્યું છે. ઓપિનિયન પોલ દર્શાવે છે કે જો હવે ચૂંટણી યોજાય તો ટ્રુડો સત્તા ગુમાવી શકે છે.